ސީކްރެޓް ސުޕަސްޓާއަށް ޗައިނާއިން 100 މިލިއަން ޑޮލަރު
11 ފެބުރުއަރީ 2018 | އާދީއްތަ 03:10މި ފިލްމު ވަނީ ޗައިނާގެ 8000 ސްކްރީނެއްގައި އަޅުވާފައި
ސީކްރެޓް ސުޕަސްޓާގެ ޕޯސްޓަރ
ސީކްރެޓް ސުޕަސްޓާއަށް ޗައިނާއިން އެކަނި ވެސް 100 މިލިއަން ޑޮލަރު ލިބިއްޖެއެވެ. މި ފިލްމު ވަނީ ޗައިނާގެ 8000 ސްކްރީނެއްގައި އަޅުވާފައެވެ. މިފިލްމު ޗައިނާގައި އަޅުވާފައިވަނީ ޖެނުއަރީމަހުގެ ތެރޭގައެވެ.
ފަނަރަ އަހަރުގެ އަންހެން ކުއްޖަކު ލަވަ ކިޔަން ބޭނުންވެފައި ހުރިލެއް ބޮޑުކަމުން އޭނާ އެކަން ހާސިލު ކުރުމަށް ދިމާވާ ގޮންޖެހުންތަކާ އެކު ކުރާ މަސައްކަތްތައް ދައްކުވައިދޭ މި ފިލްމު ސިނަމާތަކަށް އައިސްފައިވަނީ އޮކްޓޯބަރު މަހުގެ 19 ވަނަ ދުވަހުގައެވެ.
ޗައިނާގައި ފިލްމަށް ލިބުނު ކާމިޔާބީގެ އިތުރުން މި ފިލްމު ވަނީ ޗައިނާގައި ރިކޯޑެއް ވެސް ޤާއިމްކޮށްފައެވެ. އެގޮތުން ޗައިނާގެ ބާޒާރުގައި ފުރަތަމަ ދުވަހު އެ ފިލްމަކަށް އެންމެ ބޮޑު އާމްދަނީއެއް ލިބުނު ހިންދީ ފިލްމުގެ މަޤާމު އެ ފިލްމު ވަނީ ހޯދާފައެވެ.
"ސީކްރެޓް ސުޕަރސްޓާ"ގެ ކުރިން އާމިރު ޚާން ނެރުނު "ޑަންގަލް" އަށް ވެސް ޗައިނާގައި ބޮޑު ކާމިޔާބެއް ލިބިފައިވާއިރު، އެ ފިލްމަށް ޗައިނާ އިން އެކަނި ވެސް މިހާތަނަށް ވަނީ 200 މިލިއަން ޑޮލަރު ލިބިފައެވެ.
