ޖުމްހޫރީ 50، ހަނދާނީ ފައިސާފޮތި ވިއްކަން ފަށައިފި
1 އޯގަސްޓު 2018 | ބުދަ 13:19ފައިސާ ފޮއްޗެއްގެ އަގަކީ 1500ރ
އަބުދުﷲ ނަސީރު އިބްރާހިމް | 1 އޯގަސްޓު 2018 | ބުދަ 13:19
ޖުމްހޫރީ 50 އަށް ނެރުނު ހަނދާނީ ފައިސާ ފޮތި
ޖުމްހޫރީ 50، ހަނދާނީ ފައިސާފޮތި ވިއްކަން ފަށައިފި އެވެ.
މަރުކަޒީ ބޭނކް، މޯލްޑިވްސް މަނިޓަރީ އެތޯރިޓީން ބުނީ، ޖުމްހޫރީ 50ގެ ހަނދާނީ ފައިސާ ފޮތި ވިއްކަން ފަށާފައިވާއިރު، ފައިސާ ފޮއްޗެއްގެ އަގަކީ 1500ރ ކަމަށެވެ. އަދި މިދިޔަ މަހުގެ 30 ވަނަ ދުވަހުން ފެށިގެން އެ ފައިސާ ފޮތި ވިއްކަން ފަށާފައިވާކަމަށް އެމްއެމްއޭއިން ބުންޏެވެ.
އެ ފައިސާފޮތި ނެރެދެއްވީ 26 ޖުލައި 2018 ވަނަ ދުވަހުގެ ރޭ ބޭއްވުނު މިނިވަން ދުވަހުގެ ރަސްމީ ޖަލްސާގައި ރައީސުލްޖުމްހޫރިއްޔާ ޢަބްދުﷲ ޔާމީން ޢަބްދުލްޤައްޔޫމް އެވެ.
ރިހިން ތައްޔާރުކޮށް، ރަން ޕްލޭޓެއް ލާފައިވާ އެ ފައިސާ ފޮތީގެ މޫނުމަތީ އަގަކީ 150 ރުފިޔާ އެވެ.
ދިވެހި ޖުމްހޫރިއްޔަތަށް 50 އަހަރު ފުރޭނީ މި އަހަރު ނޮވެމްބަރު މަހުގެ 11 ވަނަ ދުވަހު އެވެ.
