ސޯމާލިއާއާއި އެރިޓްރިއާއިން ސިޔާސީ ގުޅުން އިއާދަކުރުމަށް އެއްބަސްވެއްޖެ
31 ޖުލައި 2018 | އަންގާރަ 07:07ދެ ގައުމުގެ މެދުގައި ޑިޕްލޮމެޓިކް ގުޅުން ކެނޑިފައި އޮންނަތާ 15 އަހަރު
އެރިޓްރިއާގެ ރައީސް އައިޒާއަސް އަފުވާކީ(ވ) ސޯމާލިއާގެ ރައީސް މުހައްމަދު އަބްދުﷲ މުހައްމަހައްމަދު(ކ) އެރިޓްރިއާގެ ވެރިރަށް އަސްމަރާއަށް 28 ޖުލައި 2018 ގައި ވަޑައިގަތުމުން މަރުހަބާ ދަންނަވަނީ
ސޯމާލިއާއާއި އެރިޓްރިއާއިން އެތައް އަހަރެއްވަންދެން އޮތް ހަތުރުވެރިކަން ނައްތާލުމަށްފަހު ޑިޕްލޮމެޓިކް ގުޅުން އިއާދަ ކުރުމަށް އެއްބަސްވުމެއްގައި ސޮއިކޮށްފިއެވެ.
ސޯމާލިއާގެ ރައީސް މުހައްމަދު އަބްދުﷲ މުހައްމަހައްމަދު އެރިޓްރިއާއަށްކުރެއްވި ތިންދުވަހުގެ ތާރީޚީ ދަތުރުފުޅަށްފަހު އެރިޓްރިއާގެ އިންފޮމޭޝަން މިނިސްޓަރ ޔެމާނީ މެސްކެލް ވަނީ ދެ ގައުމުގެ ފަރާތުން ނެރޭ ބަޔާނެއް ޓްވިޓާގައި އާއްމުކުރައްވާފައެވެ.
ދެ ގައުމުގެ މެދުގައި ޑިޕްލޮމެޓިކް ގުޅުން ކެނޑިފައި އޮންނަތާ 15 އަހަރުވަނީ ވެފައެވެ.
އެެރިޓްރިއާގެ ވެރިރަށް އަސްމާރާގައި ރައީސް އައިޒާއަސް އަފުވާކީ ސޮއިކުރެއްވި އެއްބަސްވުމުގައި ވާގޮތުން ދެ ގައުމުންވަނީ ޑިޕްލޮމެޓިކް ގުޅުން ގާއިމްކޮށް އެއްގަމު އަނެއްގައުމުގައި ސަފީރުން ބޭތިއްބުމަށް އެއްބަސްވެފައެވެ.
އެއްބަސްވުމުގައި ސޮއިކުރެއްވުމަށްފަހު ސޯމާލިއާގެ ރައީސް ވަނީ އެ ގައުމުގެ ހަނގުރާމަވެރި ޖަމާއަތް، އަލްޝަބާބަށް މަދަދުވެރިވާތީ އެރިޓްރިއާއަށް އަޅާފައި އޮތް ދަތިކުރުމުގެ ފިޔަވަޅުތައް ނެގުމަށް ގޮވާލާފައެވެ.
