ބެއިޖިންގައި ހުންނަ އެމެރިކާގެ އެމްބަސީގައި ބާރުގަދަ ގޮވުމެއް
ޒަޚަމްވެފައިވަނީ ހަަމަލާ ދިން މީހާ އެކަނި
26 ޖުލައި 2018. ބެއިޖިންގައި ހުންނަ އެމެރިކާގެ އެމްބަސީގެ ކުރިމަތީގައި ސެކިއުރިޓީ އޮފިޝަލުންތަކެއް
ޗައިނާގެ ވެރިރަށް ބެއިޖިންގގައި ހުންނަ އެމެރިކާގެ އެމްބަސީގައި މީހަކު ބޮމެއް ގޮއްވާލައިފިއެވެ.
އެމްބަސީގެ ތަރުޖަމާނު ވިދާޅުވީ އެމްބަސީގެ ގޯތި ތެރޭގެ އިރު ދެކުނު ކަނުގައި މިއަދު މެންދުރު އެކެއްޖަހާކަން ހާއިރު އެއްޗެއް ގޮވާފައިވާކަމަށެވެ.
އެމްބަސީގެ ރީޖަނަލް ސެކިއުރިޓީ އޮފިސަރ ވިދާޅުވެފައިވާ ގޮތުގައި ހަމަލާދީފައިވަނީ އެކަނިހުރި ފަރުދެކެވެ. ބެއިޖިންގ ގެ ފުލުހުން ބުނެފައިވާގޮތުގައި ހަމަލާދިން މީހާ ފިޔަވައި އިތުރު މީހަކު ޒަޚަމްވެފައެއް ނުވެއެވެ.
ބެއިޖިންގ ގެ ފުލުހުންވަނީ ހަމަލާދިނީ މޮންގޯލިއާގެ އުމުރުން 24 އަހަރުގެ ފިރެހެނަކުކަން ކަށަވަރުކޮށްދީފައެވެ.
ފުލުހުން ބުނީ ހަމަލާދިން މީހާގެ އަތް ޒަޚަމްވެފައިވާއިރު އޭނާ ހޮސްޕިޓަލަށް ގެންގޮސްފައިވާކަމަށެވެ.
ޗައިނާގެ މީޑިއާތަކުން ބުނާގޮތުގައި ހަމަލާދިން މިހާ އުޅުނީ އެމްބަސީގެ ތެރެއަށް ވަދެ ގޮއްވާލުމަށް ނަމަވެސް އޭނާ ވަނުމުގެ ކުރިން ބޮން ގޮވީއެވެ.
