ރައީސް އަބްދުﷲ ޔާމީންގެ ފަރާތުން ކަމަށް ބުނެ ޝައިޚް އިމްރާނަށް ހުށަހެޅި ކަންކަން އެނގިއްޖެ ނަމަ ރައްޔިތުން ބިރުން ސިއްސައިގެންދާނެ ކަމަށް އަދާލަތު ޕާޓީގެ މީޑިއާ ކޮމެޓީގެ މުގައްރިރު އަލީ ނަޒީރު ވިދާޅުވެއްޖެއެވެ.
ނަޒީރު ކުރެއްވި ޓްވީޓެއްގައި ވިދާޅުވީ ޔާމީންގެ ފަރާތުން ޝައިޚް އިމްރާންގެ އަރިއަހަށް ފޮނުވި މަންދޫބުން ޔާމީންގެ ފަރާތުން ކަމަށް ބުނެ ހުށަހެޅި ކަންކަމާ އެކަންކަމުގެ ބާވަތާއި ބޮޑުކުޑަމިން އެނގިއްޖެ ނަމަ ރައްޔިތުން ބިރުން ސިއްސައިގެންދާނެ ކަމަށެވެ.
Yameen ge faraathun Sheikh imran ge ariahah fonuvi mandhoobun, Yameen ge faraathun kamah bune hushahelhi kankamaa ekankamuge baavathaai, bodu kudamin engijje nama rayyithun birun sissaagendhaane! pic.twitter.com/JEqgvM4P5l
— Ali Nazeer (@alynazeer) July 19, 2018
ނަޒީރު މިހެން ވިދާޅުވެފައި މިވަނީ ޓެރަރިޒަމްގެ ކުށުގެ ހުކުމް ތަންފީޒް ކުރައްވަމުން ގެންދަވާ އަދާލަތު ޕާޓީގެ ރައީސް ޝައިޚް އިމްރާނާ ޑީލް ހެދުމަށް ސަރުކާރުން މަންދޫބަކު ފޮނުވި ކަމަށް ރައްޔިތުންގެ މަޖިލީހުގެ ގަލޮޅު ދެކުނު ދާއިރާގެ މެންބަރު އަހުމަދު މަހްލޫފް ވެސް ވިދާޅުވެފައި ވަނިކޮށެވެ.
ސަރުކާރުން ފޮނުވި މަންދޫބަށް ޝައިޚް އިމްރާން ދެއްވި ޖަވާބު ކަމަށް ވިދާޅުވެ މަހްލޫފް ވަނީ ޓްވީޓެއް ކުރައްވާފައެވެ. ޝައިހް އިމްރާން ވިދާޅުވި ކަމަށް އެ ޓްވީޓްގައި ވަނީ "ރައީސް ޔާމީނާ ޑީލެއް ހަދައިގެން މިނިވަންވުމަށް ވުރެ ޖަލުގައި އޮތުން ވެސް މާރަނގަޅު" ކަމަށެވެ.
• Sarukaarun fonuvi negotiator ah Sheikh Imran dhevvi javaabu:
— ????? ??????? (@AhmedMahloof) July 18, 2018
"RYameen aai deal eh hadhaigen minivan vumah vure jaluga othunves maarangalhu”
• konme vaguthakuves jalah gengosdhaanethee, party thakuge leaderunge kibain edhivadaigathee rayyithun maayoosvaane kameh nukurevvumah. pic.twitter.com/jcEK7xYQEs
ޖަލު މަރާމާތުކުރުމަށް ކަމަށް ބުނެ މި ވަގުތު ގޭބަންދުގައި ހުންނެވި އިމްރާން ކޮންމެ ވަގުތަކު ވެސް ޖަލަށް ގެންގޮސްދާނެތީ ޕާޓީތަކުގެ ލީޑަރުންގެ ކިބައިން ރައްޔިތުން މާޔޫސްވާނެ ކަމެއް ނުކުރެއްވުމަށް އިމްރާން އެދިވަޑައިގަންނަވާ ކަމަށް ވެސް މަހްލޫފް ވިދާޅުވިއެވެ.
މަހްލޫފް މިގޮތައް ތުހުމަތު ކުރައްވާފައިވާއިރު ބައްޕާފުޅު ކުރައްވާ މަސައްކަތަކީ ޤައުމު ދެކެވާ ލޯބިން ޤައުމަށް ކުރައްވާ މަސައްކަތްތަކެއް ކަމަށާއި އެކަންކަން ނުކުރެއްވޭ ގޮތަށް މިނިވަންވާން ބޭނުން ނުވާ ކަމަށް އިމްރާންގެ ދެ ދަރިކަނބަލުން ވަނީ ވިދާޅުވެފައެވެ.
އިމްރާންގެ ދޮށީ ދެ ދަރިކަނބަލުން ކަމުގައިވާ އުމުރުން 14 އަހަރުގެ ނުސައިބާ ބިންތު އިމްރާނާއި އުމުރުން 13 އަހަރުގެ ނައުޝާން ބިންތި އިމްރާންގެ އެމެސެޖު އާއްމު ކުރައްވާފައި ވަނީ އިމްރާންގެ އަނބިކަނބަލުން މަރިޔަމް ރީމް ފޭސްބުކް މެދުވެރި ކުރައްވައެވެ. އެނގިފައިވާ ގޮތުގައި އިމްރާންގެ އާއިލާގެ ބަސް އިއްވާފައި ވަނީ ސަރުކާރުން އިމްރާނާ އެކު ޑީލް ހެދުމަށް މަސައްކަތްކުރަމުންދާތީ އެކަމަށް ރައްދު ދިނުމުގެ ގޮތުންނެވެ.
