ބުރާސްފަތި 18 ޖުލައި 2019
04 ފުސް
1440 ޒުލްގައިދާ 15
ފަތިސް 04:43
އިރުއަރާ 06:01
މެންދުރު 12:16
އަސްރު 15:38
މަޣްރިބް 18:24
އިޝާ 19:41
ލުއި ޚަބަރު - ޖޯ ޖެކްސަން

މައިކަލް ޖެކްސަންގެ ބައްޕަ މަރުވެއްޖެ

  • މަރުވި އިރު އުމުރުން 89 އަހަރު
  • މަރުވީ ކެންސަރަށް ފަރުވާ ކުރަމުންދަނިކޮށް

ސިމާހާ ނަސީމް
sim_kamana

ކ. މާލެ 27 ޖޫން 2018 | ބުދަ 22:04 6,453

މައިކަލް ޖެކްސަން އޭނާގެ ބައްޕަ ޖޯ އާއި މަންމަ ކެތުރީން ފޮޓޯއަކަށް ހުއްޓިލައިގެން - ގޫގުލް

މިއުޒިކް ދުނިޔޭގެ ލެޖެންޑް މައިކަލް ޖެކްސަންގެ ބައްޕަ ޖޯ ޖެކްސަން މަރުވެއްޖެއެވެ.

ރިޕޯޓުތައް ބުނާ ގޮތުން ޖޯ މަރުވެފައިވަނީ ބުދަ ދުވަހު ލޮސް އެންޖަލިސްގައި ފަރުވާދެމުން ދަނިކޮށެވެ. މަރުވި ވަގުތު އަންހެނުން ކެތުރީން އޭނާގެ ގާތުގައި ހުރި ކަމަށް ވެސް ރިޕޯޓުތަކުގައިވެއެވެ.

89 އަހަރުގެ ޖޯ މަރުވިއިރު އޭނާ އަށް ވަނީ ޕެންކްރިއަޓިކް ކެންސަރ ޖެހިފައެވެ. އަދި އޭނާގެ ހާލު ހުރީ ކެންސަރުގެ ހަތަރުވަނަ ސްޓޭޖް ނުވަތަ ފަހު ސްޓޭޖްގައެވެ.

ފާއިތުވި އަހަރުތަކުގައި ޖޯގެ ހާލު ވަރަށް ދެރަ ކަމަށް ރިޕޯޓްތަކުގައިވެއެވެ. އެގޮތުން، އޭނާއަށް ޑިމެންޝިއާ އަދި ސްޓްރޯކްތައް ޖެހިފައިވާ އިރު، މަދުވެގެން އެއް ފަހަރު ހާޓް އެޓޭކެއް ވެސް ވަނީ ޖެހިފައެވެ. މީގެ އިތުރުން، މީގެ އަހަރެއްހާ ދުވަސް ކުރިން ކާރު އެކްސިޑެންޓެއްވެ، ޖޯއަށް ވަނީ އަނިޔާތަކެއް ލިބިފައެވެ. ނަމަވެސް މިއިން އެއްވެސް ކަމެއް އާއިލާއިން ހާމަކޮށްފައެއް ނުވެއެވެ.

ޖޯ އާއި ކެތަރިންގެ ދަރިފުޅު، އަދި ދުނިޔޭގެ ގިނަ ފަރާތެއްގެ ލޯބި ހޯދާފައިވާ މައިކަލް މަރުވެފައިވަނީ 2009 ވަނަ އަހަރެވެ. މައިކަލް އަމިއްލަ ކާމިޔާބީ ހޯދުމުގެ ކުރިން އޭނާ އަކީ އާއިލާގެ ބޭންޑް 'ޖެކްސަން ފައިވް'ގެ ލީޑް ވޯކަލިސްޓެކެވެ. ޖެކްސަން ފައިވް މެނޭޖް ކުރީ ޖޯއެވެ. އަދި ދަރިން މެނޭޖް ކުރުމުގައި 'ހަރުކަށި' ގޮތްތަކެއް ގެންގުޅުނު ޖޯ އާއި ކުދިންނާ ފަހުން ގިނަ މައްސަލަތަކެއް ވަނީ ޖެހިފައެވެ.

މަޝްހޫރު ލަވަކިޔުންތެރިޔާ ޖެނެޓް ޖެކްސަން އަކީ ވެސް އެ އާއިލާ މީހެކެވެ. އަދި އޭނާ އަށް އެ  ދާއިރާ ދަސްކޮށްދީފައިވަނީ ބައްޕަ ޖޯއެވެ. އެހެންކަމުން، ޖޫން 22 ވަނަ ދުވަހު ކުރިއަށް ދިޔަ 2018 ވަނަ އަހަރުގެ ޑިޒްނީ މިއިޒިކް އެވޯޑްސްގައި އިމްޕެކްޓް އެވޯޑް ލިބުނު ޖެނެޓްވަނީ އޭނާގެ ކާމިޔާބީއަށް ބައްޕައަށް ޝުކުރު އަދާކޮށްފައެވެ.

 

 

އެންމެ ފަހުން އަޕްޑޭޓް ކުރީ: 3 ހަފްތާކުރިން | ރިވިއު ކުރީ: އަހްމަދު ސާއިފް ޝިޔާދް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.

ކޮމެންޓް