ހޯމަ 24 ޖޫން 2019
08 އަދަ
1440 ޝައްވާލް 20
ފަތިސް 04:37
އިރުއަރާ 05:56
މެންދުރު 12:12
އަސްރު 15:36
މަޣްރިބް 18:21
އިޝާ 19:40
ކުޅިވަރު - ފީފާ ވޯލްޑް ކަޕް 2026

ރާއްޖެއިން ވޯޓު ދިނީ އުތުރު އެމެރިކާގެ ބިޑަށް

  • މިއީ އެސޯސިއޭޝަންތަކުގެ ވޯޓުން މިފަދަ ކަމެއް ނިންމި ފުރަތަމަ ފަހަރު

އަހްމަދު ސާއިފް ޝިޔާދް
Saaif80

ކ. މާލެ 13 ޖޫން 2018 | ބުދަ 21:56 2,083

ފީފާގެ ކޮންގްރެސްގައި ޖަވާޒް އަދި ބައްސާމް ބައިވެރިވެވަޑައިގަންނަވަނީ - ރޮއިޓަރސް

ވޯލްޑް ކަޕް 2026 ވަނަ އަހަރުބޭއްވުމަށް ފީފާގެ މެމްބަރު ގައުމުތަކުގެ މެދުގައި ނެގި ވޯޓުގައި ރާއްޖެ އިން އުތުރު އެމެރިކާގެ ބިޑަށް ވޯޓު ދީފިއެވެ.

އެ އަހަރުގެ ވޯލްޑް ކަޕް ބޭއްވުމަށް މޮރޮކޯގެ އިތުރުން އުތުރު އެމެރިކާގެ ތިން ގައުމު ކަމަށްވާ އެމެރިކާ އަދި މެކްސިކޯގެ އިތުރުން ކެނެޑާ އެއްކޮށް "ޔުނައިޓެޑް 2026"  ގެ ނަމުގައި ބިޑުކޮށްފައި ވެއެވެ. މި ބިޑު ފީފާގެ މެމްބަރު 200 ގައުމުގެ ތެރެއިން 134 ގައުމުގެ ވޯޓާއެކު ކާމިޔާބުކުރީ "ޔުނައިޓެޑް 2026" ގެ ބިޑެވެ. މި ވޯޓުގައި ރާއްޖޭގެ ފަރާތުން ވޯޓު ދެއްވީ ފުޓްބޯޅަ އެސޯސިއޭޝަން އޮފް މޯލްޑިވްސްގެ ރައީސް ބައްސާމް އަދީލް ޖަލީލްއެވެ.

މި ވޯޓް ނަގާފައި ވަނީ ބުދަ ދުވަހު ރަޝިއާގައި ބޭއްވި ފީފާގެ 68 ވަނަ ކޮންގްރެސްގައެވެ. މި ކޮންގްރެސްގައި ރާއްޖޭގެ ފަރާތުން ބައްސާމްގެ އިތުރުން އެފްއޭއެމްގެ ޖެނެރަލް ސެކްރެޓަރީ ހުސައިން ޖަވާޒް ވެސް ބައިވެރިވެވަޑައިގެންނެވިއެވެ.

މިފަހަރުގެ ކޮންގްރެސް ވެގެންދިޔައީ ގައުމުތަކުގެ އެސޯސިއޭޝަންތަކަށް ވޯލްޑް ކަޕް ބާއްވާ ގައުމު ކަނޑައެޅުމަށް ފުރުސަތު ލިބިގެންދިޔަ ފުރަތަމަ ފަހަރަށެވެ. މީގެ ކުރިން ވޯލްޑް ކަޕް ބާއްވާ ގައުމު ކަނޑައަޅާފައި ވަނީ ފީފާގެ އެގްޒެކްޓިވް ކައުންސިލްއަށެވެ.

އެންމެ ފަހުން އަޕްޑޭޓް ކުރީ: 1 މަސްކުރި | ރިވިއު ކުރީ: އަލީ ޔޫސުފް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.

ކޮމެންޓް