މިއަހަރުގެ ފިތުރު ޒަކާތުގެ ގޮތުގައި ހދ. ކުޅުދުއްފުށިން 140،190ރ ބަލައިގަނެފައިވާކަމަށް ކައުންސިލުން ހާމަކޮށްފި އެވެ.
ޒަކާތް ދެއްކުމަށް ކަނޑައެޅި މުއްދަތު އަންގާރަ ދުވަހު ހަމަވިއިރު ކުޅުދުއްފުށީ ކައުންސިލަށް 8903 މީހަކު ޒަކާތް ދައްކާފައިވާ ކަމަށް ކައުންސިލުން މައުލޫމާތު ދެއެވެ.
ކައުންސިލުން މައުލޫމާތުދޭ ގޮތުގައި އެންމެ ގިނައިން ޒަކާތް ދައްކާފައިވަނީ އާދައިގެ ހަނޑުލުންނެވެ. އާދައިގެ ހަނޑުލުން 8115 މީހަކު ޒަކާތް ދައްކާފައި ވެއެވެ. އެއީ 97380ރ އެވެ.
ތައިލެންޑް ހަނޑުލުން 580 މީހަކު ޒަކާތް ދައްކާފައިވާއިރު، އެއީ 27840ރ އެވެ. ބާސްމަތީ ހަނޑުލުން 208 މީހަކު ޒަކާތް ދައްކާފައިވާއިރު، އެއީ 14970ރ އެވެ.
މިއަހަރުގެ ފިތުރު ޒަކާތް ބަލައިގަންނަ ފެށީ ރަމަޟާންމަހު ފަސްވަނަ ދުވަހުން ފެށިގެން ނެވެ.