އެމްޑީޕީގެ ދާއިރާ މަޖިލިސްތައް ހޮނިހިރު ދުވަހުގެ ރޭ ވެސް ކުރިއަށް ގެންގޮސްފި
10 ޖޫން 2018 | އާދީއްތަ 04:29ހޮނިހިރު ދުވަހުގެ ރޭ ވަނީ 15 ދާއިރާއެއްގައި ދާއިރާ މަޖިލިސް ބާއްވާފައި
އެމްޑީޕީ ދާއިރާ މަޖިލިސް ތެރެއިން
އެމް.ޑީ.ޕީގެ "ދާއިރާ މަޖިލިސް" ހޮނިހިރު ދުވަހުގެ ރޭ ވެސް ކުރިއަށް ގެންގޮސްފިއެވެ.
ރާއްޖޭގައި އެންމެ ފުރަތަމަ އުފެދުނު ޕާޓީ، އެމްޑީޕީން ބުނި ގޮތުގައި ހޮނިހިރު ދުވަހުގެރޭ 15 ދާއިރާއެއްގެ "ދާއިރާ މަޖިލިސް" ވަނީ ބާއްވާފައެވެ.
ހޮނިހިރު ދުވަހުގެރޭ ބާއްވާފައި ވަނީ ވެލިދޫ ދާއިރާ، މަޑުއްވަރީ ދާއިރާ، އަލިފުށީ ދާއިރާ، މަތިވެރީ ދާއިރާ، މާވަށު ދާއިރާ، ގައްދޫ ދާއިރާ، އޭދަފުށީ ދާއިރާ، އައްޑޫ މީދޫ (މަރަދޫ ފޭދޫ) ދާއިރާ، ހިތަދޫ ދެކުނު ދާއިރާ، މަރަދޫ ދާއިރާ، ފޭދޫ ދާއިރާ، ފުވައްމުލަށް މެދު ދާއިރާ، މިލަންދޫ ދާއިރާ، ނޮޅިވަރަމް ދާއިރާ އަދި ކުޑަހުވަދޫ ދާއިރާގެ ބައްދަލުވުމެވެ.
އެމްޑީޕީން ބުނީ ދާއިރާ މަޖިލިސްތަކުގައި މަޝްވަރާކުރެވުނީ ކުރިއަށް އޮތް ރިޔާސީ ކެމްޕެއިން ކުރިއަށް ގެންދާނެ ގޮތްތަކާއި، މެނިފެސްޓޯގައި ހިމެނޭ ބައިތަކާއި އަދި މިމަހު ބާއްވަން ހަމަޖެހިފައިވާ ކޮންގްރެސް އާއި ގުޅޭ ގޮތުން ކަމަށެވެ.
