ކުރީގެ ޑީސީޕީ ސައުދީ ޔޫތު މިނިސްޓްރީގެ ޑެޕިއުޓީ މިނިސްޓަރަކަށް!
3 ޖޫން 2018 | އާދީއްތަ 18:36ސައުދީއަށް މަޤާމު ހަވާލުކުރެއްވި ތާރީހެއް އަދި ސާފެއް ނުވޭ
އާމިނަތު ނުޒުހާ | 3 ޖޫން 2018 | އާދީއްތަ 18:36
ކުރީގެ ޑީސީޕީ ސައުދީ
ކުރީގެ ޑެޕިއުޓީ ކޮމިޝަނަރ އޮފް ޕޮލިސް އަހްމަދު ސައުދީއަށް ޔޫތް މިނިސްޓްރީގެ ޑެޕިއުޓީ މިނިސްޓަރު ރައީސް އަބްދުﷲ ޔާމީން ދެއްވައިފިއެވެ.
ސައުދީއަށް މަޤާމު ހަވާލުކުރެއްވި ތާރީހެއް އަދި ސާފެއް ނުވެއެވެ. ފެބްރުއަރީ އެއްވަނަ ދުވަހު ސްޕްރީމް ކޯޓުން ނެރުނު އަމުރާއި ގުޅިގެން ހިނގައި ދިޔަ ކަންކަމުގެ ތެރޭގައި މަޤާމުން ވަކިކުރެއްވި ފަހުން ސައުދީ މިހާތަނަށް ސަރުކާރުގެ އެއްވެސް މަޤާމަކަށް އައްޔަން ކުރައްވާފައެއް ނުވެއެވެ.
ސައުދީ ފުލުހުންގެ ވަޒީފާއިން ވަކި ކުރެއްވީ ރައީސް ޔާމީން ގުޅުއްވި ވަގުތެއްގައި ފޯނު ނުނެންގެވިގެން ކަމަށް ވެއެވެ.
ކުރީގެ ސީޕީ ހުސެއިން ވަހީދު ވެސް ހުންނެވީ ޔޫތު މިނިސްޓްރީގެ ސިޔާސީ މަގާމެއްގައެވެ. އޭނާއަކީ އެ މިނިސްޓްރީގެ ސްޓޭޓް މިނިސްޓަރެކެވެ.
