ޓޯމާޓޯ ބޭނުންކުރަންވީ ސަބަބު މިއޮތީ

ވިލާތު ބަށި ނުވަތަ ޓޮމާޓޯ އަކީ މޭވާގެ ގޮތުގައި ވެސް އަދި ތަރުކާރީގެ ގޮތުގައިވެސް ހިމެނޭ ބާވަތެކެވެ. އާއްމުކޮށް ޓޮމާޓޯ ދިވެހިންގެ ތެރޭގައި މަޝްހޫރުވެފައިވަނީ ތަރުކާރީގެ ގޮތުގައެވެ. ޓޮމާޓޯއަކީ އޭގައި ސިއްޚީ އެތައް ފައިދާތަކެއް އެކުލެވިގެންވާ ބާވަތެކެވެ. ދިވެހިންގެ ކެއުމުގައިވެސް ވަރަށް ގިނައިން ބޭނުން ކުރާ ތަރުކާރީއެކެވެ.

ޓޮމާޓޯގައި ތަފާތު އެތަކެއް ވައްތަރުތައް ހުރެއެވެ. އެގޮތުން ރަތް ކުލަ، ފެހިކުލަ އަދި ރީނދޫ ކުލައިގެ ޓޮމާޓޯ ހުރެއެވެ. ޓޮމާޓޯ އާންމުގޮތެއްގައި ބޭނުންކުރަނީ ރިހަ ކެއްކުމަށާއި، ސެލަޑް ފަދަ ކެއުން ތައްޔާރުކުރުމަށެވެ.

ޓޮމާޓޯގައި ވިޓަމިން އޭ، ވިޓަމިން ސީ، ވިޓަމިންކޭ، ވިޓަމިންބީ6، ޕޮޓޭސިއަމް، މަންގަނީސް، ޕޮސްޕަރަސް، ފައިބަރ ޕްރޮޓީން ފަދަ މާއްދާތައް ހިމެނެ އެވެ.

ޓޮމާޓޯއިން ލިބިދޭ ސިއްޙީ ފައިދާ

ޓޮމާޓޯއަކީ ލޮލުގެ ފެނުން ރަނގަޅުކޮށްދީ ލޭގެ ޕްރެޝަރ ކޮންޓްރޯލްކުރުމަށް އެހީވެދޭ ތަރުކާރީއެކެވެ. މީގެ އިތުރުން ހަމުގެ ބަލިތަކާއި ކުޑަކަމުދާ ނިޒާމުގެ މައްސަލަތަކަށް ވެސް ޓޮމާޓޯ އަކީ ފައިދާ ބޮޑު ތަރުކާރީއެކެވެ. ދިރާސާތަކުން ދައްކާ ގޮތުގައި ޓޮމާޓޯއަކީ ކޮލެސްޓްރޯލް ލެވެލް ދަށްކޮދިނުމަށާއި ލޭގެ ސާކިއުލޭޝަން ރަނގަޅު ކޮށްދިނުމާއި ހަޖަމުގެ ބައި ރަނގަޅުކޮށްދިނުމަށްވެސް އެހީވެދޭ ތަރުކާރީއެކެވެ. ކެވޭ ބައެއް ކާއެއްޗެހީގެ ސަބަބުން ހަށިގަނޑުގައި ނުރަނގަޅު ސަރުބިތައް ޖަމާވެއެވެ. ނަމަވެސް ސަރުބީ ދައްކުރުމަށްވެސް ޓޮމާޓޯ އަކީ ހަމަ އެންމެ ރަނގަޅު އެއް ބާވަތެވެ. ޓޮމާޓޯގެ ސަބަބުން ހަށިގަނޑުގައި ހުންނަ ސަރުބީ ދަށްކޮށްދެއެވެ. މީގެ އިތުރުން ކެމުމުގައި ގަވާއިދުން ޓޮމާޓޯ ބޭނުން ކުރާނަމަ ހަޖަމުގެ ބައި ރަނގަޅުކޮށްދެއެވެ. ބަނޑުހިކުން ލުއިކޮށްދީ، ބޭރަށް ހިންގުމުން ދުރުކޮށްދެއެވެ.