ހޯމަ 22 ޖުލައި 2019
08 ފުސް
1440 ޒުލްގައިދާ 19
ފަތިސް 04:44
އިރުއަރާ 06:01
މެންދުރު 12:16
އަސްރު 15:38
މަޣްރިބް 18:24
އިޝާ 19:41
ސިއްހަތު - ރޫނާ ބޭގަމް މަރުވުން

ބޯ ދުޅަވުމުގެ ވުމުގެ ސަބަބުން މީޑިއާގެ ސަމާލު ކަމަށް އައި ކުއްޖާ ކުއްލިއަކަށް މަރުވެއްޖެ

  • މަރުވި އިރު އުމުރަކީ ފަސް އަހަރު

ރާއްޖެ އެމްވީ
raajjemv

ކ. މާލެ 20 ޖޫން 2017 | އަންގާރަ 17:11 6,932

އާދަޔާ ޚިލާފަށް ބޯ ދުޅަވުމުގެ ސަބަބުން ދުނިޔޭގެ މީޑިއާގެ ސަމާލުކަމަށް އައި ރޫނާ މަރުވީ ކުއްލި ގޮތަކަށް - އޭއެފްޕީ

މަދުން ނޫނީ ދިމާ ނުވާ ހާލަތަކާ ހެދި އާދަޔާ ޚިލާފަށް ބޯ ދުޅަވުމުގެ ސަބަބުން ބައިނަލް އަގްވާމީ މީޑިއާގެ ސަމާލު ކަމަށް އައި އިންޑިއާގެ އަންހެންކުއްޖާ ކުއްލި ގޮތަކަށް މަރުވެއްޖެއެވެ.

އޭއެފްޕީން ބުނީ ރޫނާ ބޭގަމް ނަމަކަށް ކިޔާ މިކުއްޖާގެ މަރުވީ އާދިއްތަ ދުވަހު ކަމަށާއި، މަރުވީ އޭނާގެ ވިލެޖުގައި، އާއިލާ ދިރިއުޅޭ ގޭގައި ކަމަށެވެ.

ކުއްޖާގެ މަންމަ ބުނީ އޭނާ މަރުވީ ނޭވާލާން އުނދަގޫވާ ކަމަށް ބުނުމުން ހޮސްޕިޓަލަށް ގެންދިއުމަށް ތައްޔާރު ވަމުން ދަނިކޮށް ކަމަށެވެ.

ޑޮކްޓާރުން ބުނާ ގޮތުގައި ރޫނާ ބޭގަމް އަށް ކުރިމަތިވެފައިވާ ސިއްހީ މައްސަލައަކީ "ހައިޑްރޯސެފަލަސް" އެވެ. މިހެން ދިމާވުމުން ސިކުނޑީގައި ފުލުއިޑް ޖަމާވަނީ އެވެ. ޖަމާވާ ފުލުއިޑްގެ ސަބަބުން ބޯ ދުޅަވަނީ އެވެ. ސިކުނޑީގައި ފުލުއިޑް ޖަމާ ވުމުގެ ސަބަބުން އެ ކުއްޖާގެ ބޮލުގެ ވަށަމިނުގައި 94 ސެންޓިމީޓަރު ހުންނަ ވަރަށް ބޮޑުވިއެވެ. މިއީ ބޮލުގެ އާއްމު ވަށަމިނަށްވުރެ ދެގުނަ ބޮޑު ސައިޒެކެވެ.

އާދަޔާ ޚިލާފް ސިއްހީ ހާލަތެއް ކުރިމަތިވި ކުއްޖެއްގެ ގޮތުގައި ބައިނަލް އަގްވާމީ މީޑިއާގެ ސަމާލު ކަމަށް ރޫނާ ބޭގަމް އައި ހިސާބުން، އޭނާގެ އޮޕަރޭޝަންތައް ހިލޭ އިންޑިއާގެ ހޮސްޕިޓަލަކުން ކޮށްދިނުމަށް ނިންމިއެވެ. މިގޮތުން އިންޑިއާގެ ދިއްލީގެ ފޯޓިސް ހޮސްޕިޓަލުން އެ ކުއްޖާގެ ބޮލުގެ އެތައް އޮޕަރޭޝަނެއް ކުރިއެވެ. އެ އޮޕަރޭޝަން ތަކުގެ ސަބަބުން އޭނާގެ ބޮލުގެ ވަށަމިން 58 ސެންޓިމީޓަރަށް ކުޑަވި ކަމަށް ހޮސްޕިޓަލާ ހަވާލާދީ އޭއެފްޕީން ބުނެފައިވެއެވެ.

ރޫނާ ބޭގަމް މަރުވި އިރު އޭނާގެ އުމުރަކީ ފަސް އަހަރެވެ.

އެންމެ ފަހުން އަޕްޑޭޓް ކުރީ: 2 ހަފްތާކުރިން | ރިވިއު ކުރީ: ދެލިކޮޕީ

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.

ކޮމެންޓް