ޖޯޖް ބުޝް ދުވަސްކޮޅަކަށް އޮބްޒަވޭޝަނުގައި އޮންނާނެ ކަމަށް އާއިލާ އިން ބުނެފި
ޖޯޖް އެޗް. ޑަބްލިއު ބުޝްއަކީ އެމެރިކާގެ 41 ވަނަ ރައީސް
އެމެރިކާގެ ކުރީގެ ރައީސް ޖޯޖް ބުޝް އާއި އާއިލާގެ މެންބަރުން
އާދީއްތަ ދުވަހު ހޮސްޕިޓަލުގައި އެޑްމިޓްކޮށްފައިވާ އެމެރިކާގެ ކުރީގެ ރައީސް ޖޯޖް އެޗް. ޑަބްލިއު. ބުޝް އޮބްޒަވޭޝަނުގައި ދުވަސްކޮޅަކަށް އޮޮންނަވާނެ ކަމަށް އާއިލާގެ ތަރުޖަމާނު ވިދާޅުވެއްޖެއެވެ.
އުމުރުފުޅުން 93 އަހަރުގެ ޖޯޖް ބުޝް އެޑްމިޓް ކޮށްފައި ވަނީ ލޭގެ ޕްރެޝަރ ދަށްވެ، ގައިގެ ވަރު ދެރަވެގެން ކަމަށް ޚަބަރުތައް ބުނާއިރު އާއިލާގެ ތަރުޖަމާނު ކުރެއްވި ޓްވީޓެއްގައި ވިދާޅުވީ ޖޯޖް ބުޝް އޮންނެވީ ސީރިޔަސް ހާލަތެއްގައި ނޫން ކަމަށާއި ބޮޑަށް ބެލެވޭ ގޮތުގައި މަދު ދުވަސްކޮޅަކަށް ހޮސްޕިޓަލުގައި، އޮބްޒަވޭޝަންގައި އޮންނަވާނެ ކަމަށެވެ.
ބުޝް އެޑްމިޓްކޮށްފައި ވަނީ އާދީއްތަ ދުވަހު ސަދާން މެއިން ހެލްތު ކެއާގައި ކަމަަށްވާ އިރު ދާދިފަހުން ވެސް ބުޝް އަށް ހޮސްޕިޓަލުގައި ފަރުވާދީފައިވެއެވެ. އެފަހަރު އެމަނިކުފާނަށް އައިސީޔޫގައި ފަރުވާދީފައި ވަނީ ލޭގެ އިންފެކްޝަނެއްގެ ސަބަބުން ކަމަށް އާއިލާގެ ސްޕޯކްސްޕާސަން ވިދާޅުވެފައި ވެއެވެ. އެފަހަރު ބުޝް އެޑްމިޓްކޮށްފައި ވަނީ އަނބިކަނބަލުން ބާބަރާ ބުޝްގެ ޖަނާޒާގެ ކަންތައް ނިންމާލިތާ އެއްދުވަސް ފަހުންނެވެ. އެއީ މިދިޔަ އޭޕްރީލް މަހުގެ ތެރޭގައެވެ. އެފަހަރު ބުޝްއަށް ހޮސްޕިޓަލުގެ 13 ދުވަސްވަންދެން ފަރުވާދީފައި ވެއެވެ.
