މެއި މަހުގެ 11 ގައި ސިނަމާތަކަށް އައި އާލިއާ ބަޓްގެ ރާޒީއަށް ލިބުނު އާމްދަނީ 100 ކުރޯޑް އިންޑިއަން ރުޕީސްއަށް ވުރެ ބޮޑުވެއްޖެއެވެ.

މި ފިލްމަށް 100 ކުރޯޑް އިންޑިއަން ރުޕީސް ލިބިފައިވަނީ ފިލްމު އެޅުވިތާ ދެ ހަފްތާއިންނެވެ. މި ފިލްމުގައި އާލިއާ އާއި އެކީ އޭނާގެ މަންމަ ސޯނީ ރާޒްދާ ވެސް ވަނީ ފެނިގެން ގޮސްފައެވެ.

މިއަހަރު ނިކުމެފައިވާ ބޮލީވުޑްގެ 20 ފިލްމުތަކުގެ ތެރެއިން 100 ކުރޯޑަށް އެރި 5 ވަނަ ފިލްމަށް ރާޒީ ވަނީ ވެފައެވެ. 

ރާޒީގައި އާލިއާގެ އެކްޓިންއަށް ބޮޑު ތަރުހީބެއް ލިބިގެންގޮސްފައި ވާއިރު މި ފިލްމަކީ އޭނާއަށް ވަރަށް ޚާއްސަ ފިލްމެއް ކަމަށް އާލިއާ ބުނެއެވެ. ރާޒީ ބިނާކޮށްފައި ވަނީ އިންޑިއާގެ ލިޔުންތެރިޔާ ހަރިންދްރަ އެސް. ސިންގް 2008 ގައި ނެރުނު ވާހަކަ ކޯލިން ސެހެމަތު އަށެވެ. ޓްރެއިލާ މިހާރު އާންމު ކޮށްފައިވާއިރު އާލިއާގެ ބައްޕަގެ އެދުމަށް ޖާސޫސު ކުރުމަށް އޭނާ ވިކީ ކޯޝަލްއާ ކައިވެނި ކުރެއެވެ. އޭނާއަކީ ޕާކިސްތާނުގެ މިލިޓަރީ އޮފިސަރެކެވެ. އާލިޔާ ފެނިގެންދަނީ ޕާކިސްތާނުގެ ސިފައިންގެ މީހަކާ ކައިވެނިކޮށްގެން އުޅޭ ކަޝްމީރުގެ އަންހެނެއްގެ ގޮތުގަ އެވެ. އާލިއާއަކީ އިންޑިއާގެ ޖާސޫސީ އިދާރާގެ ޖާސޫސެކެވެ. މި ފިލްމަކީ 1970ގެ އަހަރުތަކުގެ ތެރޭގައި ހިނގި ހަގީގީ ހާދިސާއެއްގެ މައްޗަށް ބިނާކޮށް ގެނެސްދޭ ފިލްމެކެވެ. އާލިއާގެ މަންމަގެ ރޯލު މި ފިލްމުން ފެނިގެންދަނީ އޭނާގެ އަސްލު މަންމަ ސޯނީ ރަޒްދާނެވެ.