ލަންކާއިން 2.39 ކިލޯގެ ހެރޯއިންނާއި އެކު ދިވެއްސަކު ހައްޔަރުކޮށްފި
އެތަކެތި ފެނުނީ ސްރީލަންކާއަށް އެތެރެކުރަން އުޅުމުގެ ތެރެއިން އެއާޕޯޓުން
ސްރީލަންކާގެ ޖަލު
ގިނަ އަދަދެއްގެ ޑްރަގާއި އެކު ސްރީލަންކާއިން ދިވެއްސަކު ހައްޔަރުކޮށްފިއެވެ.
ސްރީލަންކާގެ ބައެއް ނޫސްތަކުގައި ބުނެފައިވާ ގޮތުން އެ ގައުމުން ހައްޔަރުކުރި ދިވެހި ޒުވާނާގެ އަތުން 2.39 ކިލޯގެ ހެރޮއިން ފެނިފައިވާ ކަމަށެވެ. އަދި އެ ތަކެތި ފެނުނީ އޭނާ ސްރީލަންކާއަށް އެތެރެވި ތަނުން އެއާޕޯޓްގެ ސެކިއުރިޓީން އެނާ ޗެކްކުރުމުގެ ތެރޭގައި ކަމަށް ނޫސްތަކުގައި ބުނެފަވެއެވެ.
ސްރީލަންކާގެ ފުލުހުންނާއި ހަވާލާދީ އެގައުމުގެ ނޫސްތަކުގައި ބުނެފައި ވަނީ، ދިވެހި ޒުވާނާއަތުން އަތުލައިގެންފައި ވަނީ ހެރޮއިންގެ މަގުމަތީ އަގު، ތިން ލައްކައަށް ވުރެ ގިނ ޑޮލަރަށް އަރާނެއެވެ. އެހެންކަމުން މި މައްސަލާގައި ހައްޔަރުކުރި ޒުވާނާ ބަންދުގެ މުއްދަތު ޖަހަން ކޯޓަށް ހާޒިރުކުރަން ސްރީލަންކާގެ ފުލުހުން ވަނީ ނިންމާފައެވެ.
ނިމިދިޔަ ހަފްތާގެ ތެރޭގައި ޕާޓީ ޑްރަގާ އެކު ދެ ދިވެހިން ވަނީ ސްރީލަންކާއިން ހައްޔަރުކޮށްފައެވެ. އެމީހުންގެ އަތުން ޕާޓީ ޑްރަގްގެ ބާވަތެއް ކަމަށްވާ، އެކްސްޓަސީގެ 1.925 ގުޅަ ފެނިފައިވެއެވެ.
