ރާއްޖޭގެ އެކި ހިސާބަށް ގުގުރުމާއިއެކު ބޯކޮށް ވާރޭ ވެހޭނެ: މެޓް އޮފީސް
18 މެއި 2018 | ހުކުރު 15:07މިރޭ 08:00 އިން މާދަމާ ރޭ 08:00 އަށް ރާއްޖޭގެ އެކިހިސާބަށް ވިއްސާރަކުރާނެ ކަމަށް މެޓް އޮފީހުން ބުނޭ
ރާއްޖެއަށް މީގެ ކުރިން ކޮށްފައިވާ ވިއްސާރައެއްގައި ރަށެއްގެ މަގުމީގައި ފެންބޮޑުވެފައި
ރާއްޖޭގެ އެކި ހިސާބަށް ވިއްސާރަކޮށް ގުގުރުމާއި އެކު ބޯކޮށް ވާރޭވެހޭނެކަމަށް ލަފާކުރެވޭކަމަށް ރާއްޖޭގެ މޫސުމާއި ބެހޭ ގައުމީ އިދާރާއިން ބުނެފިއެވެ.
މެޓް އޮފީހުން ބުނީ ބުރާސްފަތިދުވަހުގެރޭ 8:00 އިން ހުކުރުދުވަހުގެ ރޭ 8:00 އަށް މެދުތެރޭގެ ކަނޑުތައް އާދައިގެ ވަރަކަށް ގަދަވެފައި ވިލާގަނޑުގައި ގަދަވާނެކަމަށާއި އެހެން ހިސާބުތަކުގެ ކަނޑުތައް އާދައިގެ ވަރަކަށް މަޑުވެފައި ވިލާގަނޑުގައި އާދައިގެ ވަރަކަށް ގަދަވާނެކަމަށް ލަފާ ކުރެވޭކަމަށެވެ.
ވައިޖެހޭނީ ހުޅަނގު ދެކުނާއި ހުޅަނގުން އަދި މެދުތެރޭގެ އަތޮޅުތަކަށް ގަޑިއަކު 10 މޭލާ 20 މޭލާދެމެދުގެ ބާރުމިނުގައި ކަމަށާއި އެހެން ހިސާބުތަކުގައި ގަޑިއަކު 5 މޭލާ 15 މޭލާދެމެދުގެ ބާރުމިނުގައި ކަމުގައެވެ. އަދި ވިލާގަނޑުގައި ގަޑިއަކު 40 މޭލަށް ވައިގަދަވުންވެސް އެކަށީގެންވާކަމަށްވެސް މެޓް އޮފީހުން ބުނެއެވެ.
ރާއްޖެއަށް މިހާރު ކުރަމުންދާ ވިއްސާރައިގައި ބ އަތޮޅު އޭދަފުއްޓަށް ބޯކޮށް ވާރޭ ވެހުމުގެ ސަބަބުން ވަނީ ފެންބޮޑުވެފައެވެ.
