ރިޔާސީ އިންތިޚާބަށް ޚާއްޞަކޮށް ޤައުމީ ލަފާދޭ ކޮމެޓީ އެކުލަވާލައިފި

ރިޔާސީ އިންތިހާބަށް ހާއްސަކޮށްގެން ގައުމީ ލަފާދޭ ކޮމިޓީ އެކުލަވާލައިފިއެވެ.

އިންތިހާބުތަކާ ބެހޭ އާއްމު ގާނޫނުގެ ދަށުން އުފައްދާ ގައުމީ ލަފާދޭ ކޮމިޓީއަކީ އިންތިހާބާ ގުޅޭ ކަންކަމުގައި އިލެކްޝަންސް ކޮމިޝަނަށް ލަފާ ދިނުމަށް އުފައްދަން ގާނޫނުން ލާޒިމުކޮށްފައިވާ ކޮމިޓީ އެކެވެ.

ގައުމީ ލަފާދޭ ކޮމިޓީގައި ޖުމްލަ 17 ބޭފުޅުން ހިމެނެ އެވެ. އެގޮތުން މިކޮމިޓީގައި ހިމެނެނީ ދައުލަތުގެ މުއައްސަސާތަކުން 10 ބޭފުޅުންނާއި، ސިޔާސީ ޕާޓީތަކަށް ނިސްބަތްވާ 6 ބޭފުޅުންނާއި، ޖަމިއްޔާތަކުގެ ފަރާތުން އެއް ބޭފުޅެކެވެ.

އިލެކްޝަންސް ކޮމިޝަންގެ މެންބަރު އަހްމަދު އަކްރަމު ވިދާޅުވެފައިވަނީ ގައުމީ ލަފާދޭ ކޮމިޓީ އެކުލަވާލާފައިވަނީ އިދިކޮޅު ޕާޓީތައް ކަމަށްވާ އެމްޑީޕީއާއި ޖޭޕީވެސް ހިމެނޭ ގޮތަށް ކަމަށާއި މި ކޮމިޓީގެ ފުރަތަމަ ބައްދަލުވުން އަންގާރަ ދުވަހު ބާއްވާނެ ކަމަށެވެ.