ހަވައިގެ އަލިފާން ފަރުބަދައަކުން ލާވާ ވައިގެ ތެރެއަށް ފޮނުވާލައިފި
މިއީ އަލިފާން ވައިގެ ތެރެއަށް ފޮނުވާލި 16ވަނަ ފަހަރު
ބިގް އައިލެންޑްސްގައި ހުރި ޕާކެއް
އެމެރިކާގެ ހަވައިއަންގެ ސްޓޭޓްގެ ބިގް އައިލެންޑްސް ސިޓީގައި ހުރި އަލިފާން ފަރުބަދައަކުން ހޮނިހިރު ދުވަހު އަނެއްކާވެސް ހޫނު ލާވާ ވައިގެ ތެރެއަށް ފޮނުވާލައިފިއެވެ.
މިއީ ކިލުއެއަގެ ނަން ދެވިފައިވާ އަލިފާން ފަރުބަދަ ލާވާ ވައިގެ ތެރެއަށް ފޮނުވާލި 16 ވަނަ ފަހަރެވެ. މިފަހަރު ލާވާ ފޮނުވާލައިފައި ޖިއޯތާމަލް އެނާޖީ ޕްލާންޓް ކައިރިންނެވެ. މިއީ ކުރީފަހަރު ލާވާ ފޮނުވާލި ދިމާލާއި އެއްމޭލު ދުރުމިނުގައި ވާ ސަރަހައްދެކެވެ.
ލާވާ ވައިގެ ތެރެއަށް ދިޔަ ނަމަވެސް ނަމަވެސް ބިމުގެ ޒަރީއާއިން ދައުރު ވަމުންނެއް ނުދެއެވެ. ނަމަވެސް ރައްކާތެރި ފިޔަވަޅެއްގެ ގޮތުން ގާތްގަޑަކަށް 000،200 ލީޓަރުގެ ކެމިކަލް ކޮމްޕައުންޑެއް ކަމުގައި ވާ ޕެންޓޭން ވަނީ އެ ސަރަހައްދުން ބޭރު ކޮށްފައެވެ. ޖިއޮލޮޖިސްޓުން ވަނީ ފަރުބަދައިގެ ތެރެއިން ބޮޑެތި ގާތަކާއި ބޯދުންތައް ކުޑަ ދުވަސް ކޮޅެއްގެ ތެރޭގައި ބޭރުވެދާނެ ކަމުގެ އިންޒާރު ދީފައެވެ.
އެހެން ނަމަވެސް ބިގް އައިލެންޑްސްގައި ފަތުރުވެރި ކަމުން މަންފާ ނަގަމުން ދާ ފަރާތްތަކުން ދަނީ މިހާލަތުގައި ވެސް ފަތުރުވެރިކަމަށް ބުރޫނާރާވޭތޯ ބަލަމުންނެވެ. އެ ސަރަހައްދުގެ ފަތުރުވެރި ކަމާ ބެހޭ މާހިރުން ވިދާޅުވަނީ އަލިފާން ފަރުބަދައިގެ ސަބަބުން ނުރައްކާ ވަނީ ވަރަށް ކުޑަ ހިސާބަކަށް ކަމަށެވެ.
ރައީސް ޑޮނަލްޑް ޓުރަމްޕް ހުކުރު ދުވަހު ވަނީ ހަވައިގެ ފަރުބަދަ ހުރި ހިސާބު ކަމަށްވާ ބިގް އައިލެންޑްސް ގައި ގުދުރަތީ ކާރިސާގެ ހާލަތު އިއުލާން ކުރައްވާފައެވެ.
