ރ. މަޑުއްވަރީ މެޖިސްޓްރޭޓް ކޯޓުގައި ބަޔަކު ތަޅުއަޅުވައިފި އެވެ. 

ކޯޓުގެ ދޮރުގައި ތަޅު އަޅުވާފައިވަނީ ހޯމަ ދުވަހުގެ ހަވީރު 5:00 ހާއިރުގައެވެ. ތަޅު އަޅުވާފައިވަނީ ކޯޓުގެ މުވައްޒިފުން ނެތް ވަގުތެއްގަ އެވެ. އަދި އެވަގުތު ކޯޓުގައި މަސައްކަތްކުރާ މުވައްޒިފުން ތިބީ ސަޔަށް ބޭރަށް ގޮސްކަމަށް މައުލޫމާތު ލިބެއެވެ. 

މަޑުއްވަރީ ކޯޓުގައި އަޅުވާފައިވާ ތަޅު މިހާރު ނައްޓާލާފައިވާއިރު، ތަޅު ނައްޓާލާފައިވަނީ ކީހާލައިގެންނެވެ. ތަޅު ކީހާލައިގެން ނައްޓާލާފައިވަނީ ފުލުހުންގެ ހާޒިރުގަ އެވެ. 

ކޯޓުގައި ތަޅު އެޅުވި މައްސަލާގައި މީހަކު ހައްޔަރުކޮށްފައިނުވާއިރު، އެ މައްސަލަ ފުލުހުން އަންނަނީ ތަހުޤީޤްކުރަމުންނެވެ. 

ކޯޓުގައި ތަޅު އެޅުވި ސަބަބެއްވެސް އަދި އެނގިފައި ނުވާއިރު، އާންމު ރައްޔިތުން އަންނަނީ ކޯޓުތަކުގެ ނިންމުންތަކަށް ވަރަށް ބޮޑަށް ފާޑުކިޔަމުންނެވެ.