އިދިކޮޅު ކެންޑިޑޭޓްއަށް އަރުމޭނިއާގެ ބޮޑުވަޒީރުކަން ލިބުމުގެ ފުރުސަތު ބޮޑުވެއްޖެ

އަރުމޭނިއާގެ އިދިކޮޅު ކެންޑިޓޭޓް، ނިކޯލް ޕަޝިނިއަންއަށް އަރުމޭނިއާގެ ބޮޑުވަޒީރުކަމުގެ މަގާމު ލިބުމުގެ ފުރުސަތު ބޮޑުވެއްޖެއެވެ.

އަރުމޭނިއާގެ ވެރިކަން ކުރާ ޕާޓީއިން ބުނެފައިވަނީ ބޮޑުވަޒީރަކު ހޮވުމުގައި މަޖިލީހުގެ ތިން ބައިކުޅަ އެއްބައި ވޯޓް ލިބޭ ފަރާތަކަށް ތާއީދު ކުރާނެ ކަމަށެވެ. އަދި އަމިއްލަ ކެންޑިޑޭޓަކު ނެރުމުގެ ޚިޔާލެއް ނެތް ކަމަށް ވެސް ބުނެފައިވެއެވެ. އެހެނަކަމުން މޭމަހު 8 ވަނަ ދުވަހު އަރްމޭނިއާގައި ބޮޑުވަޒީރަކު ހުރުމަކީ ވަރަށް އެކަށީގެންވާ ކަމެކެވެ.

ޕަޝިނިއަންއަކީ މިވަގުތު އިދިކޮޅުގެ ހަމައެކަނި ކެންޑިޑޭޓެވެ. އެހެންކަމުން ބޮޑުވަޒީރަކަށް އައްޔަން ކުރެވޭނީ އެބޭފުޅާކަމުގައި ބެލެވެއެވެ.

"ގައުމުގެ މަސްރަހު މިހިނގާ ގޮތަށް ހިގަމުންދާނަމަ ގެރެންޓީއާއެކު ބޮޑުވަޒީރު ކަމަށް ނިކޯލް ޕަޝިނިއަން 8 މެއި ގައި އިންތިޚާބު ވާނެ." ޖަރނަލިސްޓެއް އަލްޖަޒީރާއަށް މައުލޫމާތު ދިނެއެވެ.

ސަރުކާރު ހިންގާ ރިޕަބްލިކަން ޕާޓީގެ އެންފަހުގެ ނިންމުމުގެ ސަބަބުން ޕަޝިނިއަންއާ މެދު އޮތް ދެކޮޅުވެރިކަން މައިތިރި ވެފައިވާ ކަމަށް ބެލެވެއެވެ.

އަންގާރަ ދުވަހު ގާނޫނު ހަދާ މަޖިލީހުގެ މެމްބަރުން ބޮޑުވަޒީރަކު ހޮވުމަށް ބޭއްވި އިންތިޚާބުގައި 45 މެމްބަރަކު ޕަޝިނިއަންއާއި އެއްކޮޅަށް ވޯޓް ދެއްވާފައިވާއިރު 55 މެމްބަރަކުވަނީ ދެކޮޅަށް ވޯޓް ދެއްވާފައެވެ. ވޯޓް ލުމާހަމައަށް ދެ ހަފްތާވަންދެން މަގުތަކުގައި ރައްޔިތުން ކުރިޔަށް ގެންދިޔަ ބޮޑެތި މުޒާހަރާތަކާ ގުޅިގެން އަރުމޭނިއާގެ ބޮޑުވަޒީރު ސުއަރޒް ސަރްގެޒިއަން ވެސް މަގާމުން އިސްތިއުފާ ދެއްވައިފިއެވެ.

ޕަޝިނިއަން ވަނީ ބުދަ ދުވަހުގެ ހެނދުނުން ފެށިގެން އޭނާއަށް ތާއީދު ކުރާ ފަރާތްތަކުން މަގުތަކާއި ރެއިލް ވޭތަކާއި އެއަރޕޯޓްތައް ބަންދުކޮށް ސުލްހަވެރި މުޒާހަރާއެއް ފަށާފައެވެ.

ބޮޑުވަޒީރަކު ހޮވުމުގައި އާ ވޯޓަކަށް ދިއުމަށް ހަތް ދުވަހުގެ މުއްދަތެއް ލިބޭއިރު އެކަން ނުވެއްޖެ ނަމަ މަޖިލީސް އުވާލެވިގެންދާނެއެވެ.