ކ. މާލެ
|
13 ޖޫން 2017 | އަންގާރަ 11:06
ރަޝިޔާގެ އިދިކޮޅު ލީޑަރު އެލެކްސީ ނަވަލްނީ
ރަޝިޔާގެ އިދިކޮޅު ލީޑަރު އެލެކްސީ ނަވަލްނީ
ގޫގުލް
ރަޝިޔާ
ރަޝިޔާގެ އިދިކޮޅު ލީޑަރު 30 ދުވަހަށް ބަންދުގައި ބަހަޓަން ނިންމައިފި
 
ނަވަލްނީ ވަނީ ހޯމަ ދުވަހު ބޭއްވުނު މުޒާހަރާތަކަށް މީހުން ނިކުތުމަށް ގޮވާލާފަ، މިކަަމަށް އޭނާ ގޮވާލެއްވީ ރަޝިއާގައި ކޮރަޕްޝަން އެންމެ މަތީ ދަރަޖައިގައި އޮތް ކަމަށް ބުނެ

ރަޝިޔާގެ އިދިކޮޅު ލީޑަރު އެލެކްސީ ނަވަލްނީ މުޒާހަރާތައް ބޭއްވުމުގައި ގާނޫނާ ޚިލާފުވާ ކަމަށް ބުނެ، ރަޝިޔާ ދައުލަތުން އޭނާ 30 ދުވަހަށް ބަންދުގައި ބަހަޓަން ނިންމައިފިއެވެ.

ރަޝިޔާގެ ދައުލަތުން އިދިކޮޅު ލީޑަރު ނަވަލްނީ ބަންދުގައި  ބަހަޓަން ނިންމީ 30 ދުވަހުގެ "އެޑްމިނިސްޓްރޭޓިވް އެރެސްޓެއްގައެވެ." އެޑްމިނިސްޓްރޭޓިވް އެރެސްޓް އަކީ ސަލާމަތީ ސަބަބުތަަކަށްޓަކައި ދައުލަތުން މީހަކު ހައްޔަރުކޮށް އޭނާ ޝަރިއަތަކާ ނުލާ ބަންދުކުރުމަށް ކިޔާ ނަމެކެވެ.  

ހޯމަ ދުވަހު ރަޝިއާގައި ކުރެވުނު ކޮރަޕްޝަނާ ދެކޮޅު މުޒާހަރާތައް ފެށުމުގެ ކުރިން ނަވަލްނީ  ގޭ ބަންދުގައި ވެސް ބެހެއްޓިއެވެ. އޭގެ ފަހުން، ހޯމަ ދުވަހުގެ ވަގުތެއްގައި ކޯޓުން ވަނީ 30 ދުވަހަށް ނަވަލްނީ  ބަންދުގައި ބަހައްޓަން ނިންމާފައިވާ ކަން ހާމަކޮށްފައެވެ. 41 އަހަރުގެ ނަވަލްނީ ވަނީ މިކަން އޭނާ ކުރި ޓްވީޓެއްގައި ކަށަވަރުކޮށްދީފައެވެ.

ރަޝިޔާގެ ރައީސް ވްލަޑީމިއާ ޕޫޓިންގެ ވެރިކަމާ މެދު ހިތްހަމަ ނުޖެހޭ އެތައް ހާސް ބަޔަކު ހޯމަ ދުވަހު ރަޝިޔާގެ އެކި ސަރަހައްދުތަކުގައި މުޒާހަރާކުރިއެވެ. 

2018 ގައި އޮންނަ ރިޔާސީ އިންތިޚާބުގައި ވާދަ ކުރާނެކަން އިދިކޮޅު ލީޑަރު ނަވަލްނީ ވަނީ އިއުލާން ކޮށްފައެވެ. މާޗް މަހު ސަރުކާރާ ދެކޮޅަށް ކުރި މުޒާހަރާއަކާ ގުޅިގެން  ނަވަލްނީ ފަނަރަ ދުވަހަށް ޖަލުގައި ބަންދު ކުރިއެވެ.

އުމުރުން 41 އަހަރުގެ އެލެކްސީ ނަވަލްނީ އަށް މަޝްހޫރުކަން ލިބިގެން ދިޔައ،ީ 2012 ވަނަ އަހަރު ރައީސް ވްލަޑީމިއާ ޕޫޓިން ތިން ވަނަ ދައުރަކަށް ހޮވިވަޑައިގަތުމުން ބޭއްވި މުޒާހަރާތަކުގައި އޭނާ ދެއްވި ފޯރި ގަދަ ތަގްރީރުތަކުގެ ސަބަބުންނެވެ.

 

 

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ރާއްޖެއެމްވީ ލޯކަލް
0%
0%
0%
0%
0%
0%
ކޮމެންޓް