ވޯލްޑް ޓްރެވަލް އެވޯޑްސްގެ ދެ ކެޓެގޮރީ އަކަށް ރާއްޖެ ނޮމިނޭޓް ވެއްޖެ

މި އަހަރު އޮކްޓޯބަރު މަހުގެ 26 ވަނަ ދުވަހު ބާއްވަން ހަމަޖެހިފައިވާ ވޯލްޑް ޓްރެވަލް އެވޯޑްސްގެ ދެ ކެޓެގަރީއަކަށް ދިވެހިރާއްޖޭގެ ދެ ސްޕާއެއް ނޮމިނޭޓް ވެއްޖެއެވެ. މި އެވޯޑް ދިނުމުގެ ހަފުލާ ބާއްވަނީ ރާއްޖޭގެ ވޮއްމުލި ރިސޯޓުގަ އެވެ.

ރާއްޖޭގެ ރިސޯޓެއް ކަމަށްވާ ވެލާ ޕްރައިވެޓް އައިލެންޑްގެ "ސްޕާ މައި ބްލެންޑް ބައި ކްލެރިންސް" ވޯލްޑްސް ބެސްޓް ޕްރައިވެޓް އައިލެންޑް ސްޕާ އެވޯޑަށް ނޮމިނޭޓު ވެފައިވާ އިރު، ވޯލްޑްސް ބެސްޓް ސްޕާ ޑިޒައިންގެ އެވޯޑަށް ވޮއްމުލި ރިސޯޓުގެ "އިރިޑިއަމް ސްޕާ" ވަނީ ނޮމިނޭޓު ވެފައެވެ.

މި ނޮމިނޭޝަން އަށް ވޯޓްލުމުގެ ފުރުސަތު މެއި 1 އިން އޯގަސްޓް 7 އަށް ވަނީ ހުޅުވާލައިފަ އެވެ.

ބެސްޓް ސްޕާ އެވޯޑު 2015، 2016 އަދި 2017 ވަނަ އަހަރު ވެސް ހޯދާފައި ވަނީ ރާއްޖެއިންނެވެ.

ދުނިޔޭގެ އެންމެ ފުރަތަމަ ކަނޑުއަޑީގެ ސްޕާ ވެސް ތައާރަފުކޮށްފައި ވަނީ ރާއްޖޭގަ އެވެ. އެ ސްޕާ ހުޅުވާފައި ވަނީ 2004 ވަނަ އަހަރު ހުވަފެންފުށީގަ އެވެ.