މި އަހަރު އެންމެ އުންމީދީ އެއް ފިލްމް ކަމަށްވާ އަދި ގިނަ ބަޔަކު ކެތްތެރި ކަމެއް ނެތި އިންތިޒާރު ކުރަމުން އަންނަ ފިލްމް "ބާހްބަލީ 2" ގެ ޓްރެއިލާ މިވަނީ މިދިޔަ ބުރާސްފަތި ދުވަހު ލައުންޗް ކޮށްފައެވެ.

މި ޓްރެއިލާ ލައުންޗް ކުރިތާ 24 ގަޑިއިރު ތެރޭގައި 50 މިލިއަން މީހުން ބަލާފައި ވާކަމަށް ރިޕޯޓްތައް ބުނެއެވެ.

އެހެންކަމުން މި ޓްރެއިލާ ވެފައިމިވަނީ  24 ގަޑިއިރު ތެރޭގައި  އެންމެ ގިނަ މީހުން ބެލި އިންޑިއަން ފިލްމެއްގެ ޓްރެއިލާއަށް ވެފައެވެ.

އެސްއެސް ރާޖަމޯލީ ޑައިރެކްޓްކޮށްފައިވާ މި ފިލްމް ގެ ޓްރެއިލާ ރިލީޒް ކުރުމާ އެކު، ގިނަ ބަޔަކ ވަނީ އެއަށް ތައުރީފް ކޮށްފައެވެ.

މީގެ ކުރިން 2015 ވަނަ އަހަރު ރިލީޒް ކޮށްފައިވާ "ބާހްބަލީ"  ވަނީ  ބޮކްސް އޮފީހުގައި ބޮޑު އާމްދަނީއެއް ލިބި އަދި ކާމމިޔާބު މޮޅު ފިލްމަކަށް ވެފައެވެ.

ފިލްމުގެ ފަހު ބައި "ބާހްބަލީ 2" އިން ވެސް ފެނިގެން ދާނީ މައިގަނޑު ގޮތެއްގައި ފުރަތަމަ ބައިން ފެނުނު ތަރިންނެވެ.

އޭގެ ތެރޭގައި ތެރޭގައި ހިމެނެނީ ޕްރަބާސް، ރާނާ ދަގޫޕަތީ، ތަމަންނާ ބާޓިއާ، އަނުޝްކާ ޝެޓީ އަދި ރާމިއާ ކްރިޝްނަން ހިމެނެ އެވެ.

"ބާހްބަލީ 2" ސިނަމާތަކަށް އަންނާނީ އަންނަ މަހުގެ 28 ގަ އެވެ.