ސީރިއާގައި އިންސާނީ އެހީ ފޯރުކޮށްދިނުމަށް ހަރަކާތްތެރިވަ ޖަމާއަތް، ވައިޓް ހެލްމެޓްސްއަށް ބިނާކޮށް، އުފައްދާފައިވާ ފިލްމު، "ދަ ވައިޓް ހެލްމެޓްސް" މި ފަހަރުގެ އޮސްކާއަށް ނޮމިނޭޓްވި ނަމަވެސް، އޮސްކާ ޙަފްލާއަށް އެ ޖަމާއަތުގެ އެއްވެސް މީހަކު ނުދާނެ ކަމަށް އެ ޖަމާއަތުގެ ލީޑަރު ބުނެފިއެވެ.

ވައިޓް ހެލްމެޓްސްގެ ލީޑަރު ރައީދް ސޮލާހް ބުނީ، އޮސްކާ ހަފުލާއަށް ނުދިއުމަށް ނިންމީ ސީރިއާގެ ހާލަތު މި ވަގުތު އޮތް ގޮތުން ކަމަށެވެ. އެގޮތުން ސީރިއާ ސަރުކާރުން ބޮން އަޅަމުންދާ ހިސާބުތަކުގައި ކުރަން ހުރި މަސައްކަތްތައް މާ މުހިންމުކަން އޭނާ ވަނީ ފާހަގަކޮށްފައެވެ.

އާދީއްތަ ދުވަހުގެރޭ ބޭއްވުމަށް ހަމަޖެހިފައިވާ އޮސްކާ އެވޯޑް ހަފްލާގައި ބައިވެރިވާ ގޮތަށް ކުރިން ހަމަޖެހިފައި އޮތީ، ރައީދްގެ އިތުރުން އެ ޖަމާއަތުގެ މެންބަރު، އަދި މި ފިލްމުގެ ބޮޑު ބައެއް ޝޫޓް ކުރި ޚާލިދު ޚާތިބެވެ.

ހަފްލާއަށް ނުދާނެކަން ހާމަކޮށް، ޚާތިބް ކުރި ޓްވީޓްތަކެއްގައި ބުނީ، އޭނާ ވައިޓް ހެލްމެޓް ޖަމާއަތާއި ގުޅޭ އިތުރު ފިލްމެއްގެ މަސައްކަތް ކުރަމުންދާ ކަމަށާ، ކުރިއަށް އޮތް 2 ހަފްތާގެ ތެރޭގައި އެ ފިލްމު ވެސް ނިމޭނެ ކަމަށެވެ.

2013 ވަނަ އުފެއްދި ވައިޓް ހެލްމެޓްސް ޖަމާއަތާއި ގުޅޭގޮތުން ހަދާފައިވާ ފިލްމަށް ކްރިޓިކުންގެ ފަރާތުން ބޮޑު ތަރުޙީބެއް ލިބިގެން ގޮސްފައިވާއިރު، އެ ޖަމާއަތުގެ 3،000 އަށް ވުރެ ގިނަ މަދަދުވެރިންގެ މަސައްކަތުން ސީރިއާ ހަނގުތާމައިގައި އަނިޔާވި 78،000 އަށްވުރެ ގިނަ މީހުންގެ ފުރާނަ ވަނީ ސަލާމަތްކޮށްދީފައެވެ.