ރާއްޖެ
ހުޅުމާލެ
ހުޅުމާލޭގެ ތިން ތަނެއް ފަޅާލައި ވައްކަން ކޮށްފި
ވައްކަން ކުރީ ދެފިހާރއަކުންނާއި ސެލޫނަކުން
އަހުމަދު މުހުސިނު, ރާއްޖެ އެމްވީ | 29 އެޕްރީލު 2018 | އާދީއްތަ 02:27
ހުޅުމާލެ: ވައްކަން ކުރި މައްސަލައިގައި މީހަކު އަދި ހައްޔަރެއް ނުކުރޭ
ހުކުރު ދުވަހުގެ ރޭ ހުޅުމާލޭގެ ތިން ތަނެއް ފަޅާލައި ބަޔަކު ވައްކަންކޮށްފިއެވެ.
ފުލުހުންގެ މީޑިއާ އޮފިޝަލް ވިދާޅުވީ، ތިން ތަނެއް ފަޅާލާއި އެތަންތަނުން ވައްކަންކޮށްފައިވާކަން ފުލުހުންނަށް ރިޕޯޓުކޮށްފައިވަނީ ހޮނިހިރު ދުވަހު ހެނދުނު ކަމަށެވެ. އޭގެތެރޭގައި ދެ ފިހާރައަކާއި ސެލޫންއެއް ހިމެނޭ ކަމަށް ފުލުހުން ބުނެއެވެ.
ހުޅުމާލޭގެ ވިޔަފާރިކުރާ ތިން ތަނަކުން ވައްކަން ކުރި މައްސަލައާ ގުޅިގެން މިހާތަނަށް މީހަކު ހައްޔަރުކޮށްފައިނުވާއިރު، އެމައްސަލަ މިހާރު ބަލަމުންދާ ކަމަށް ފުލުހުން ބުނެއެވެ.
ދާދި ފަހުން ވަނީ ހުޅުމާލޭގެ އޮފީހަކަށް ވަދެ ތިޖޫރިއެއް ފަޅާލައި ވައްކަން ކުރަން އުޅުނު ދެ ޒުވާނަކު ވެސް ހައްޔަރުކޮށްފައެވެ.
