އެމެރިކާގެ ސެކްރެޓަރީ އޮފް ސްޓޭޓްގެ މަގާމަށް ސީއައިއޭގެ ކުރީގެ ވެރިޔާ ޕޮމްޕެއޯ
ޑިމޮކްރޭޓުންގެ ތެރެއިން ހަ މެމްބަރަކުވަނީ ރިޕަބްލިކަނުންނަށް ތާއީދުކޮށް ވޯޓް ދީފައި
ޕޮމްޕެއޯ އެ މަގާމަށް ގެނައުމަށް ފެންނަކަމަށް 57 ވޯޓް ލިބިފައިވޭ
އެމެރިކާގެ ސެކްރެޓަރީ އޮފް ސްޓޭޓްގެ މަގާމަށް އައްޔަން ކުރައްވަނީ ސީއައިއޭގެ ކުރީގެ ޑިރެކްޓަރ މައިކް ޕޮމްޕެއޯކަމަށް ސެނޭޓުން ކަށަވަރުކޮށްދީފިއެވެ.
ޑެމޮކްރޭޓުން ތުހުމަތު ކުރައްވާގޮތުގައި ޕޮމްޕެއޯއަކީ ހަނގުރާމައަށް ތާއީދުކުރައްވާ އަދި މުސްލިމުންނާއި ދެކޮޅު ވިސްނުންތަކަށް ތަރުހީބުދެއްވާ ބޭފުޅެކެވެ. ސެނޭޓުންވަނީ ޕޮމްޕެއޯ އެ މަގާމަށް ގެނައުމަށް ފެންނަކަމަށް 57 ވޯޓް ލިބިފައެވެ. ނުފެންނަކަމަށް 42 ވޯޓް ދީފައިވެއެވެ.
މިއީ ރައީސް ޓްރަމްޕްގެ ވެރިކަމުގައި ސެކްރެޓަރޯ އޮފް ސްޓޭޓްގެ މަގާމަށް ގެނެވުނު ދެވަނަ ބޭފުޅާއެވެ.
މީގެ ކުރިން އެ މަގާމުގައި ހުންނެވި ރެކްސް ޓިލަރސަން މަގާމުން ވަކިކުރެވުނީ ޒާތީ މައްސަލައެއްގައި ޓްވިޓަރ މެދުވެރިކޮށެވެ.
މަތިގޭގެ ކޮންޓްރޯލް ރިޕަބްލިކަނުންނަށް އޮންނައިރު އެ ޕާޓީގެ ހުރިހާ މެމްބަރުންވަނީ ޕޮމްޕެއޯއަށް ރުހުން ދިނުމަށް ފެންނަކަމަށް ވޯޓްދީފައެވެ. ޑިމޮކްރޭޓުންގެ ތެރެއިން ހަ މެމްބަރަކުވަނީ ރިޕަބްލިކަނުންނަށް ތާއީދުކޮށް ވޯޓް ދީފައެވެ.
