ކޮރެއާ ހަނގުރާމަ އަށް ފަހު ކޮރެއަން ޕެނިންސިއުލާގެ ސަރަހައްދީ އިން ވަކިކުރާ ޑިމާކޭޝަން ލައިން ހުރަސްކުރައްވައި އުތުރު ކޮރެއާގެ ފުރަތަމަ ލީޑަރަކަށް ކިމް ޖޮންގ-އުން ވެ ވަވަޑައިގަންނަވާނެއެވެ.
ދެކުނު ކޮރެއާގެ ރައީސް މޫންޖެއިން އިންއާ އެ މަނިކުފާނު ބައްދަލުކުރައްވާއިރު މިއީ ވޭތުވެދިޔަ ދިހަވަރަކަށް އަހަރުގެ ތެރޭގައި ދެގައުމުގެ ވެރިން މިގޮތަށް ބާއްވަވާ ފުރަތަމަ ބައްދަލުވުމެވެ.
އަލަށް ހާމަކުރި މައުލޫމާތަށް ބަލާއިރު ދެކުނު ކޮރެއާ އިން ބުނީ ރައީސް މޫން ލީޑަރު ކިމްއާ ބައްދަލުކުރައްވާނީ ސަރަހައްދީ ރޮނގުގައި ޖީއެމްޓީ ގަޑިން މެންދަމު 12:30 ގައި ކަމަށެވެ.
މި ތާރީޚީ ބައްދަލުވުމުގައި އަމާޒު ކުރެވިގެންދާނީ އުތުރު ކޮރެއާ އިން ނިއުކްލިއަރ ހަތިޔާރު އުފެއްދުން ހުއްޓާލަން ނިންމި ނިންމުމުގެ މައްޗަށެވެ.
ނަމަވެސް ދެކުނު ކޮރެއާ އިން ވަނީ އުތުރު ކޮރެއާއާ އެކު އެންމެ ފަހުން ބައްދަލުވުން ބޭއްވި ފަހުން އެ ގައުމުގެ ނިއުކްލިއަރ ޕްރޮގްރާމް އެތައް ގުނައަކަށް ތަރައްގީ ކޮށްފައިވާތީ އެ ގައުމާ އެކު އެއްބަސްވުމަކަށް ދިއުމަށް ދަތިވެދާނެކަމުގެ އިންޒާރު ދީފައެވެ.
