އޮޅުހަލިން މޫދަށް އެރި އުޅެނިކޮށް ގެއްލުނު ބިދޭސީ މީހާ މަރުވެފައި އޮއްވައި ފެނިއްޖެ
26 އެޕްރީލު 2018 | ބުރާސްފަތި 04:40ގެއްލުނީ ބުދަ ދުވަހުގެރޭ
އިސްމާއިލް ނާއިލް ނަޝީދު | 26 އެޕްރީލު 2018 | ބުރާސްފަތި 04:40
އޮޅުހަލިން ގެއްލުނު ބިދޭސީ މީހާގެ ހަށިގަނޑު މާލެއަށް ގެނައުން
ކ. އޮޅުހަލީގައި ތަރައްޤީކުރަމުންދާ ރިސޯޓަކުން މޫދަށް ފޭބި ބިދޭސީއަކު ގެއްލިގެން ހޯދަމުން ދަނިކޮށް، އޭނާ މަރުވެފައި އޮއްވައި ކަނޑު އަޑިން ފެނިއްޖެއެވެ.
އެމްއެންޑީއެފްގެ މީޑިއާ އޮފިސަރ ވިދާޅުވީ، ބުދަ ދުވަހުގެރެއިން ފެށިގެން ހޯދަމުންދިޔަ އެ މީހާގެ ހަށިގަނޑު ފެނިފައިވަނީ ކަނޑުގެ 7 މީޓަރު އަޑިން، ބުރާސްފަތި ދުވަހުގެ ހެނދުނު 08:30 ހާއިރު ކަމަށެވެ.
ހަށިގަނޑު ފެނިފައި ވަނީ އޭނާ ހޯދުމުގެ މަސައްކަތް ކުރަމުންދިޔަ ކޯސްޓްގާޑްގެ ޑައިވަރުންނަށެވެ.
ކޯސްޓް ގާޑުން ވަނީ އެމީހާގެ ހަށިގަނޑު ބުރާސްފަތި ދުވަހުގެ ހެނދުނު 09:15 ހާއިރު މާލެ ގެނެސްފައެވެ.
