ކޮންމެ ގޮންޖެހުމަކީ އާ ހިތްވަރެއް، ފަސްބެލުމެއް ނެތި ތިބޭނީ މި އަޒުމުގައި: ޝާހިދު
24 އެޕްރީލު 2018 | އަންގާރަ 16:01އަނިޔާވެރިކަމާ ދެކޮޅަށް ކުރާ މަސައްކަތުގައި ދިމާވާ ހުރަސްތަކައް ބެލުމެއް ނެތި ދާނީ ކުރިޔަށް
ހެންވޭރު އުތުރު ދާއިރާގެ މެމްބަރު އަބްދުﷲ ޝާހިދު
ކޮންމެ ގޮންޖެހުމަކީ އާ ހިތްވަރެއް ކަމަށާއި ކާމިޔާބާ ހަޔަމަށް ވާސިލް ވަންދެން ފަސްޖެހުމެއް ފަސްބެލުމެއް ނެތި ދެމި ތިބޭނީ އެ އަޒުމުގައި ކަމަށް ރައްޔިތުންގެ މަޖިލީހުގެ ކުރީގެ ރައީސް އަދި ހެންވޭރު އުތުރު ދާއިރާގެ މެމްބަރު އަބްދުﷲ ޝާހިދު ވިދާޅުވެއްޖެއެވެ.
ޝާހިދު މިހެން ވިދާޅުވެފައި ވަނީ މިއަދު ކުރެއްވި ޓްވީޓެއްގައެވެ. ޝާހިދު ކުރެއްވި ޓްވީޓްގައި ވަނީ އަނިޔާވެރިކަމާ ދެކޮޅަށް ކުރާ މަސައްކަތުގައި ދިމާވާ ހުރަސްތަކައް ބެލުމެއް ނެތި ދާނީ ކުރިޔަށް ކަމަށާއި ކޮންމެ ގޮންޖެހުމަކީ އާ ހިތްވަރެއް ކަމަށެވެ. ހަމައެހެންމެ ނުހައްގު ކޮންމެ އަނިޔާއަކުން އިތުރު ކޮށްދެނީ ސާބިތުކަން ކަމަށާއި ކާމިޔާބާ ހަމަޔަށް ވާސިލްވަންދެން ދެމިތިބޭނީ ފަސްޖެހުމެއް ނެތި ފަސްބެލުމެއް ނެތި އަޒުމާއި ރޫހުގައި ކަމަށް ޝާހިދު ވިދާޅުވިއެވެ.
ޝާހިދު މިހެން ވިދާޅުވެފައިވާ އިރު ސުޕްރީމް ކޯޓުން ވަނީ އެންޓި ޑިފެކްޝަން ގާނޫނު އުވާލަން ނުފެންނަ ކަމަށް ނިންމާފައެވެ. ހަމައެހެންމެ އެ ކޯޓުން ވަނީ ރައްޔިތުންގެ މަޖިލިސް އުވާލުމުގެ ބާރު ރައީސުލްޖުމްހޫރިއްޔާއަށް ލިބިވަޑައިގެންފައިވާ ކަމަށް ވެސް ބުނެފައެވެ.
