މަލޭ ސިޓީ ކައުންސިލުން މާލޭގެ ރައްޔިތުންނާ ބައްދަލު ކުރުން މި މަހުގެ 25 ގައި
19 އެޕްރީލު 2018 | ބުރާސްފަތި 17:43ބައްދަލުވުން އޮތީ ރޭގަނޑު 8:30 ގައި
މާލޭ ސިޓީ ކައުންސިލްގެ މޭޔަރ ޝިފާ:- މާލެ ސިޓީ ކައުންސިލުން ރައްޔިތުންނާ ބައްދަލު ކުރުން އޮތީ މި މަހުގެ 25ގައި
މާލޭ ސިޓީ ކައުންސިލުން މާލޭގެ ރައްޔިތުންނާ ބައްދަލު ކުރުމަށް ނިންމައި އެކަން އިއުލާން ކޮށްފިއެވެ.
ސަރުކާރުގެ ގެޒެޓްގައިވާ ގޮތުން މާލޭގެ ރައްޔިތުންނާ ސިޓީ ކައުންސިލުން ބާއްވާ ބައްދަލުވުން އޮންނާނީ މި މަހުގެ 25 ވަނަ ދުވަހުއެވެ. އެ އިއުލާންގައި ބުނެފައިވާ ގޮތުން މި ބައްދަލުވުން ބޭއްވުމަށް ހަމަ ޖައްސާފައި ވަނީ އެދުވަހުގެ ރޭ ގަނޑު 8:30 ގައި ކައުންސިލް އިދާރާގައެވެ.
މީގެ އިތުރުން ސިޓީ ކައުންސިލުން ބުނެފައި ވަނީ އެ ބައްދަލުވުމުގައި ރައްޔިތުންގެ ކަންބޮޑުވުންތަކާއި ހުރި ގޮންޖެހުންތައް ހިއްސާ ކުރުމަށް ހަމަޖެހިފައިވާ ކަމަށެވެ. އެހެން ކަމުން ވީހާ ވެސް ގިނަ ރައްޔިތުން މި ބައްދަލުވުމަށް އައުމަށް ވަނީ އެދިފައެވެ.
މިއީ މި ދައުރުގައި މާލޭ ސިޓީ ކައުންސިލުން ރައްޔިތުންނާ ބައްދަލުކުރާ ފުރަތަމަ ފަހަރެވެ. މާލޭ ސީޓީ ކައުންސިލް އެއް މެމްބަރަކު ފިޔަވައި ހުރިހާ މެމްބަރަކުންނަކީ ސަރުކާރާ އިދިކޮޅު އެމްޑީޕީގެ މެމްބަރުންނެވެ. އަދި ސަރުކާރުން ވަނީ ސިޓީ ކައުންސިލަށް ދީފައިވާ ބާރުތައް ގާނޫނަށް ބަދަލުގެނެސް އުނިކޮށްފައެވެ. އަދި މާލޭ ސިޓީ ކައުންސިލްގެ ބެލުމުގެ ދަށުން ކުރަމުން އައި ގިނަ މަސައްކަތްތައް ސަރުކާރުގެ އެކި މިނިސްޓްރީތައް މެދުވެރިކޮށް ކުރާ ގޮތަށް ސަރުކާރުން ވަނީ ހަމަޖައްސާފައެވެ.
ލާމަރުކަޒީ ގާނޫނުގައިވާ ގޮތުން ކައުންސިލްތަކުން ރައްޔިތުންނާ ބައްދަލުކޮށް މަސައްކަތްތަކާ ގުޅޭ ގޮތުން ވާހަކަ ދެއްކުމަށް އާންމު ބައްދަލުވުންތައް ބާއްވަން ޖެހެއެވެ.
