ޓާމިނޭޓާ ރިބޫޓްގެ ތަރިން ފައިނަލް ކޮށްފިއެވެ. މި ފިލްމުގެ ތަރިން ފައިނަލް ވުމާއެކު އަންނަ މަހުގެ ތެރޭގައި ޝޫޓިން ފަށާނެ ކަމަށް މިހާރު ވަނީ އިއުލާން ކޮށްފައެވެ.

މިފިލްމުން ފެންނާނެ ތަރިންގެ ތެރޭގައި ހިމެނެނީ އާނޮލްޑާއި ލިންޑާ ހެމިލްޓަން އާއި މެކެންޒީ ޑޭވިސް އާއި ގެބްރިއެލް ލޫނާ އާއި ޑިއެގޯ ބޮނެޓާ ގެ އިތުރުން ލެޓިން ބަތަލާއެއް ކަމަށްވާ ނަޓާލިއާ ރެޔެސްހިމެނެއެވެ.

ޓާމިނޭޓާ ރިބޫޓް އަކީ ޖޭމްސް ކެމެރަންއާއި އާނޯލްޑް ޝްވެޒްނެގާއާއ އެކު މީގެ 34 އަހަރު ގެނެސްދިން ދަ ޓާމިނޭޓާގެ ރިބޫޓެވެ.

ޓާމިނޭޓާ ރިބޫޓް ޑައިރެކްޓް ކުރާނީ ޓިމް މިލާއެވެ. އޭނާ އަކީ މަޝްހޫރު ފިލްމު ޑެޑްޕޫލްގެ ވެސް ޑައިރެކްޓަރެވެ. ޑެޑްޕޫލްގެ ޑައިރެކްޓަރު ޓިމް މިލާ ޑައިރެކްޓްކުރާ ޓާމިނޭޓާގެ ހަވަނަ ފިލްމުގެ ޕްރޮޑިއުސަރަކީ ޖޭމްސް ކެމެރޮންއެވެ. ޓާމިނޭޓާ ރިބޫޓްގެ ޝޫޓިން ނިންމައި ސިނަމާތަކަށް އަންނާނެ ކަމަށް ހާމަކޮށްފައިވަނީ އަންނަ އަހަރުގެ ފަހުކޮޅުއެވެ.