އައިފާ އެވޯޑަށް ބޮލީވުޑްގެ ތަރިން ނިއުޔޯކަށް ފުރަން ފަށައިފި

އަށާރަ ވަނަ އައިފާ އެވޯޑުގައި ބައިވެރިވުމަށް ބޮލީވުޑްގެ ތެރިން އެމެރިކާގެ ނިއުޔޯކަށް ފުރަން ފަށައިފިއެވެ. މިމަހުގެ 14 އިން 15 އޮންނަ އައިފާ އެވޯޑްގައި ދެ ދުވަސް ހާއްސަ ކުރަނީ ގްރީން ކާޕެޓާއި ޕްރެސް ކޮންފަރެންސަށެވެ.

އެވޯޑް ދިނުމުގެ ހަފްލާ އޮންނާނީ 15 ވަނަ ދުވަހުގައެވެ. މި ހަފްލާ އޮންނާނީ ރެޑްކާޕެޓް އިވެންޓަކާއި އެކީގައި ނިއުޔޯކްގެ ލައިފް ސްޓޭޑިއަމްގައެވެ.

އައިފާގެ ނޮމިނޭޝަންތައް އިއުލާން ކޮށްފައިވާއިރު މިހާތަނަށް ހިންދީ ފިލްމު ތަކުގެ ތެރެއިން ނިކުތް އެންމެ މޮޅު ފިލްމު ކަމަށް ބުނާ" ޑަންގަލް" ނޮމިނޭޓް ވެފައެއް ނުވެއެވެ."ޑަންގަލް" ނޮމިނޭޓް ނުވުމުން ގިނަ ބައެއްގެ ފާޑުކިޔުން ވަނީ އައިފާއެވޯޑަށް ކުރިމަތިވެފައެވެ.

އައިފާ އެވޯޑްގެ ބައެއް ނޮމިނޭޝަންސް ތަކަށް ބަލާއިރު،އެންމެ މޮޅު އެކްޓަރަށް ނޮމިނޭޓް ވެފައިވަނީ ޝާހިދު ކަޕޫރު (އުޅްތާ ޕަންޖާބް)، ރަންބީރު ކަޕޫރު (އޭ ދިލް ހޭ މުޝްކިލް)،ޝާހްރުކް ޚާން (ފޭން)، އަމީތާބް ބައްޗަން (ޕިންކް)، ސުޝާންތު ސިންގ ރާޖްޕުތު (އެމްއެސް ދޯނީ)، ސަލްމާން ޚާން (ސުލްތާން) އެވެ.

އެންމެ މޮޅު އެކްޓްރެސް އަށް ނޮމިނޭޓް ވެފައިވަނީ އަނުޝްކާ ޝަރްމާ (އޭ ދިލް ހޭ މުޝްކިލް)، އާލިއާ ބަޓް (އުޅްތާ ޕަންޖާބް އަދި ޑިއާ ޒިންދަގީ)، ސޯނަމް ކަޕޫރު (ނީރްޖާ)، ތާޕްސީ ޕަންނޫ (ޕިންކް) އެވެ.

މިދިޔަ އަހަރު އައިފާ އެވޯޑް ހަފުލާ ބޭއްވީ ސްޕެއިންގެ މެޑްރިޑްގަ އެވެ.