ބޮލީވުޑްގައި މިހާރު ވިދަމުން އަންނަ އެއް ތަރި ކެޓްރީނާ ކައިފްގެ ހަޔާތުގެ މައްޗަށް ނެރޭ ފޮތުގެ ނަމަކީ "ބާބީ ޑްރީމްސް" ކަމަށް ޚަބަރުތައް ބުނެފިއެވެ.
ކެޓްރީނާ ދާދި ފަހުން ވަނީ އޭނާގެ ހަޔާތުގެ މައްޗަށް ފޮތެއް ނެރެން ޝައުގުވެރިކަން އެބަހުރި ކަމަށް ބުނެފައެވެ.
މިފޮތް ނެރޭނެ ތާރީޚެއް އަދި ހާމަކޮށްފައެއްނުވެއެވެ.
ކެޓްރީނާގެ ބައޮގްރަފީ އަށް "ބާބީ ޑްރީމް" ކިޔަން ނިންމާފައިވާ ކަމަށް ރިޕޯޓްތައް ބުނެފައިވާއިރު މީގެ ކުރިން ކެޓްރީނާ ވަނީ އޭނާގެ ސިފައާ ވައްތަރުކޮށް ބާބީ ޑޯލްއެއް އުފައްދާފައެވެ. ބޮލީވުޑްގެ ފަންނާނުންގެ ތެރެއިން ކެޓްރީނާ ވެފައި ވަނީ ސިފައާ އެއްގޮތަށް ބާބީ ޑޯލްއެއް އުފެއްދި ފުރަތަމަ ތަރިއަށެވެ.
ކެޓްރީނާގެ ހަޔާތުގެ މައްޗަށް ބައޮގްރަފީއެއް ނެރުމަށް ނިންމާފައިވާއިރު މި ފޮތުގައި އިންޑިއާގެ ފިލްމީ ދާއިރާއާ އޭނާ ގުޅުނު ގޮތް ވަރަށް ބޮޑަށް ހާމަކުރާނެ ކަމަށް ބެލެވެއެވެ. ކެޓްރީނާ ބޮލީވުޑަށް އައިއިރު އޭނާއަށް ހިންދީ ބަހުން ރަނގަޅަށް ވާހަކަ ދައްކާކަށް ނޭނގެއެވެ. އިންޑިއާގެ ފިލްމީދާއިރާގައި "އޭ ކެޓެގަރީގެ" ތަރިންނާ އެކު އޭނާއަށް ފައިތިލަ ސާބިތު ކުރެވުނީ ވަރަށް މަސައްކަތުންނެވެ.
ހޮޮންކޮންގްގައި އުފަންވެފައިވާ ކެޓްރީނާ ނިސްބަތްވަނީ އިނގިރޭސިވިލާތުގެ ލަންޑަނަށެވެ. އޭނާއަކީ އިންޑިއާގެ ބައްޕައަކަށާއި އިނގިރޭސި ވިލާތުގެ މަންމައަކަށް ނިސްބަތްވާ ތަރިއެކެވެ.
