އަންގާރަ 18 ޖޫން 2019
02 އަދަ
1440 ޝައްވާލް 14
ފަތިސް 04:36
އިރުއަރާ 05:54
މެންދުރު 12:11
އަސްރު 15:35
މަޣްރިބް 18:20
އިޝާ 19:38
ވިޔަފާރި - އިކޮނޮމިކް މިނިސްޓްރީ

ފިހާރަތަކާއި، ކެފޭ ރެސްޓޯރެންޓުތަކުން 24 ގަޑިއިރު ޚިދުމަތް ދިނުމަށް ހުއްދަ ދެނީ

  • އެ ބަދަލު ގެންނާނީ ހަރުދަނާ އުސޫލެއް ޤާއިމްކުރުމަށްފަހު
  • މި ބަދަލު ގެންނަން ސަރުކާރުން ނިންމީ ރައްޔިތުންގެ ދިރިއުޅުމަށް ބޮޑެތި ބަދަލުތަކެއް އައިސްފައިވުމުން

އަބުދުﷲ ނަސީރު އިބްރާހިމް
DeNaseer

ކ. މާލެ 2 އޭޕުރިލް 2018 | ހޯމަ 07:46 4,976

މާލޭގެ ފިހާރައަކަށް ފެން ކޭސްތަކެއް ބާލަނީ - ވިޔަފާރިކުރުމުގެ ހުއްދަ 24 ގަޑިއިރަށް ދިނުމަށް ވަނީ ނިންމާފަ - މުހައްމަދު ޝަރުހާން

ފިހާރަތަކާއި ކެފޭ ރެސްޓޯރަންޓުތައް ހުޅުވައި، ޚިދުމަތް ދެވޭ ގަޑިތައް 24 ގަޑިއިރަށް ބަދަލުކުރަން ނިންމައި، އެކަމުގެ ފަހުގެ މަސައްކަތްތައް ކުރަމުން އަންނަކަމަށް އިކޮނޮމިކް މިނިސްޓްރީން ބުނެފިއެވެ. 

ދައުލަތުގެ މީޑިއާ، ޕީއެސްއެމްގައި ވާހަކަދައްކަވަމުން އިކޮނޮމިކް މިނިސްޓްރީގެ ޑެޕިއުޓީ މިނިސްޓަރ އާދަމް ތައުފީޤް ވިދާޅުވީ ފިހާރަތަކާއި ކެފޭ ރެސްޓޯރަންޓްތަކަށް 24 ގަޑިއިރު ޚިދުމަތްދޭ ތަންތަނަށް ބަދަލުކުރުމަށް ވާންޖެހޭ ތައްޔާރީތައް އެ މިނިސްޓްރީން ވަމުން އަންނަކަމަށެވެ. އަދި މިހާރު ކުރިއަށްދަނީ އެންމެ ފަހުގެ ތައްޔާރީތައްކަމަށްވެސް އޭނާ ވިދާޅުވިއެވެ. 

ތައުފީޤް ވިދާޅުވި ގޮތުގައި އެ ބަދަލު ގެންނާނީ ހަރުދަނާ އުސޫލެއް ޤާއިމްކުރުމަށްފަހުގައެވެ. އަދި އެ އުސޫލުތައް އެކުލަވާލުމުގެ މަސައްކަތް ކުރިއަށްދާކަމަށްވެސް އޭނާ ވިދާޅުވިއެވެ. 

ކުއްލިގޮތަކަށް މި ބަދަލު ގެންނަން ނިންމި ސަބަބާއި ގުޅޭގޮތުން ވާހަކަދައްކަވަމުން ޑެޕިއުޓީ މިނިސްޓަރ އާދަމް ތައުފީޤް ވިދާޅުވީ މި ބަދަލު ގެންނަން ސަރުކާރުން ނިންމީ ރައްޔިތުންގެ ދިރިއުޅުމަށް ބޮޑެތި ބަދަލުތަކެއް އައިސްފައިވުމުން ކަމަށެވެ. 

ފިހާރަތަކާއި ކެފޭ ރެސްޓޯރަންޓުތައް ހުޅުވައި ޚިދުމަތް ދެވޭ ގަޑިތައް 24 ގަޑިއިރަށް ބަދަލުކޮށް، ވިޔަފާރިކުރުމުގެ ހުއްދަ އެންމެފަހުން ދިނީ ކުރީގެ ރައީސް މުހައްމަދު ނަޝީދު ވެރިކަމުގައެވެ. އަދި އެ ބަދަލު ވެގެންގޮސްފައިވަނީ ދިވެހިންގެ ތެރެއިން ގިނަ ބަޔެއްގެ ދިރިއުޅުމަށް ބޮޑު ފަސޭހައެއް ގެނައި ބަދަލަކަށެވެ. ނަމަވެސް އެ ހުއްދަ ނިމުމަކަށް ގެނެސްފައިވަނީ ރައީސް އަބްދުﷲ ޔާމީންގެ ޝާމިލްވުމާއެކު އުފެދުނު ޑރ. މުހައްމަދު ވަހީދު ހަސަން މަނިކުގެ ސަރުކާރުގައެވެ.

އެންމެ ފަހުން އަޕްޑޭޓް ކުރީ: 4 ހަފްތާކުރިން | ރިވިއު ކުރީ: އިސްމާއިލް ނާއިލް ނަޝީދު

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.

ކޮމެންޓް