ސަޓާއަށް އޮންލައިންކޮށް ވޯޓްލުމުގެ ފުރުސަތު ޖޫން މަހުގެ ނިޔަލަށް

ފަތުރުވެރިކަމުގެ އެންމެ ޝަރަފުވެރި އެވޯޑް ސައުތު އޭޝިއަން ޓްރެވަލް އެވޯޑްސް (ސަޓާ) އަށް އޮންލައިންކޮށް ވޯޓްލުމުގެ ފުރުސަތު ޖޫން މަހުގެ ނިޔަލަށް ހުޅުވާލައިފިއެވެ.

އޮންލައިން ވޯޓިންގް ކުރިޔަށް ދާނީ ސަޓާގެ ރަސްމީ ވެބްސައިޓު މެދުވެރިކޮށެވެ.

ސަޓާ އެވޯޑްސް އަށް 50 ދާއިރާއަކުން ޖުމްލަ 500 އަށް ވުރެ ގިނަ ފަރާތަކުން ނޮމިނޭޝަން ހުށަހަޅާފައިވާ ކަމަށް ހައިރައިޒް ކުންފުނީގެ ފަރާތުން ވަނީ ބުނެފައެވެ.

އައްޑޫ ސިޓީގައި ކުލަގަދަކޮށް ބޭއްވި 2017 ވަނަ އަހަރުގެ ސަޓާ އެވޯޑުގެ ޝަރަފުވެރި 24 އެވޯޑެއް ރާއްޖޭގައި ޓޫރިޒަމް ހިދުމަތް ދޭ ފަރާތްތަކަށް ވަނީ ލިބިފައެވެ.

ސައުތު އޭޝިއަން ޓްރެވަލް އެވޯޑްސް (ސަޓާ) އަކީ ރާއްޖޭގެ މަޝްހޫރު އިވެންޓްސް މެނޭޖްމެންޓް ކުންފުނި ހައިރައިޒްގެ ބައިނަލްއަގުވާމީ ބްރޭންޑެކެވެ. ސަޓާ އެވޯޑްސް އެންމެ ފުރަތަމަ ބާއްވާފައިވަނީ 2016 ވަނަ އަހަރު، ސްރީލަންކާގެ މައުންޓް ލެވީނިއާ ހޮޓެލްގައެވެ.

މި އަހަރު ސަޓާ އެވޯޑްސް ބޭއްވުމަށް ރާވާފައިވަނީ މިއަހަރުގެ ސެޕްޓެމްބަރު މަހު އިންޑިއާގައި ކަމަށް ހައިރައިޒް ކުންފުނިން ބުންޏެވެ.