އޭޑީކޭގެ ޕޯސްޓަށް ލައިކް ދީ އަދި ޝެއަރ ކޮށްގެން "ބަކަރި" އެއް ހޯދުމުގެ ފުރުސަތު

އޭޑީކޭގެ ޖެނެރަލް ޓްރޭޑިންގެ އޮފިޝަލް ފޭސްބުކް ޕޭޖްގެ ޕޯސްޓަކަށް ލައިކް ދީ އަދި ޝެއަރ ކޮށްގެން "ބަކަރި" އަކާއި "މާސްޓަރ ޝެފް ސުޕަރ ކަރނެލް" ބްރޭންޑްގެ ފަސް ކިލޯ ބާސްމަތީ ހަނޑޫ ލިބުމުގެ ފުރުސަތު އެ ކުންފުނިން ހުޅުވާލައިފިއެވެ.

އެ ކުންފުނިން ބުނެފައި ވަނީ "ލައިކް އެންޑް ޝެއަރ" ކެންޕެއިން ލޯންޗު ކޮށްފައިވަނީ ޢީދާއި ގުޅިގެން ކަމަށެވެ. އަދި ދިވެހިންގެ ސަޤާފީ ގޮތްގަނޑަށް މީހުން ހޭލުންތެރި ކުރުވުމުގެ މަޤްސަދުގައި ބާއްވާ ކެމްޕެއިނެއް ކަމަށް ވެސް އެ ކުންފުނިން ވަނީ ބުނެފައެވެ.

މިކެމްޕެއިން ކުރިއަށް ދާނީ އޮގަސްޓް މަހުގެ 27 ވަނަ ދުވަހުން ފެށިގެން އޮގަސްޓް މަހުގެ 30 ވަނަ ދުވަހާއި ހަމައަށް ކަމަށް ވެސް އެ ކުންފުނިން ވަނީ ބުނެފައެވެ. އަދި ނަސީބުވެރި ފަރާތެއް ހޮވުމަށް ފަހު އޮގަސްޓް މަހުގެ 31 ވަނަ ދުވަހު އިއުލާން ކުރެވިގެންދާނެ ކަމަށް ވެސް އެ ކުންފުނިން ބުންޏެވެ.

އޭޑީކޭއިން ބުނީ "މާސްޓަރ ޝެފް ސުޕަރ ކަރނެލް" ބްރޭންޑްގެ ބާސްމަތީ ހަނޑުލަކީ އޭޑީކޭ ޖެނެރަލް ޓްރޭޑިންގެ ފަރާތުން މާރކެޓްކޮށް އިންޕޯޓް ކުރާ ހަމައެކަނި ފަރާތް ކަމަށެވެ.