ރައީސުލްޖުމްހޫރިއްޔާގެ ޚާއްސަ މަންދޫބެއްގެ ހައިސިއްޔަތުން ފޮރިން މިނިސްޓަރ ޑރ. މުޙައްމަދު ޢާޞިމް ކުވައިތަށް ކުރައްވާ ރަސްމީ ދަތުރުފުޅެއްގައި ބުދަ ދުވަހު ހެނދުނު ފުރާވަޑައިގެންފިއެވެ.
ފޮރިން މިނިސްޓްރީން ބުނީ ކުވެއިތުގެ ޑެޕިއުޓީ ޕްރައިމް މިނިސްޓަރު އަދި މިނިސްޓަ އޮފް ފޮރިން އެފެއާޒް، ޝެއިހް ސަބާހު އާލް ހާލިދު އާލް ހަމަދް އާލް ސަބާހުގެ ދައުވަތަކަށް މިނިސްޓަރު އާސިމް ކުރައްވާ ދެ ދުވަހުގެ މި ދަތުރުފުޅުގައި، ދެ ގައުމުގެ ގުޅުން ބަދަހިކުރުމާ ގުޅޭ ގޮތުން މަޝްވަރާ ކުރައްވާނެ ކަމަށެވެ.
އާސިމްގެ އަރިހުގައި ފޮރިން މިނިސްޓްރީގެ ސެކްރެޓަރީ ބައިލެޓްރަލް އަހުމަދު ޚަލީލާއި ރާއްޖެ އިން ކުވެއިތަށް ކަނޑައަޅާފައި ހުންނަވާ ނޮން- ރެސިޑެންޓް ސަފީރު އަބްދުﷲ ހަމީދު އަދި ޑިރެކްޓަ އަބްދުލް ވާރިސް ސައީދު ބައިވެރިވެވަޑައިގަންނަވައެވެ.
ރާއްޖެ އާއި ކުވެއިތާ ދެމެދު ސިޔާސީ ގުޅުން ގާއިމްކުރީ ޑިސެމްބަރު 1، 1977 ގައެވެ.