މާދަމާ ހަވީރު މުހަންމާ ފުލުހަށް ހާޒިރުކުރަނީ
މުއައްސަސާތަކުގެ މުއައްޒަފުންނަށް ރިޝްވަތު ހުށައެޅުމުގެ ތުހުމަތު އޭނާގެ މައްޗަށް ކުރޭ
އިހަވަންދޫ ދައިރާގެ މެންބަރު މުހައްމަދު އަބުދުﷲ
ފެބްރުއަރީ މަހުގެ އެއްވަނަ ދުވަހު ސްޕްރީމް ކޯޓުން ނެރުނު އަމުރާ ގުޅިގެން ދައުލަތުގެ މުވައްޒަފުންތަކަކަށް ރިޝްވަތު ހުށައެޅި ކަމުގެ މައްސަލައަކާ ގުޅިގެން އިހަވަންދޫ ދާއިރާގެ މެމްބަރު މުޙައްމަދު އަބްދުﷲ (މުހައްމާ) ފުލުހަށް ހާޒިރުވާން އަންގައިފިއެވެ.
މުހަންމާ ފުލުހަށް ހާޒިރުވާން އަންގާފައި ވަނީ ބުރާސްފަތި ދުވަހު ހަވީރު 16:00 ގައެވެ.
މުހައްމާގެ މައްޗަށް ކުރާ ތުހުމަތަކީ ފެބުރުއަރީ މަހުގެ 1 ވަނަ ދުވަހު ސުޕްރީމްކޯޓުން ނެރުނު އަމުރަށް ފަހު، ދައުލަތުގެ މުއައްސަސާތަކުގެ މުއައްޒަފުންނަށް ރިޝްވަތު ދިނުމާއި، މުއައްސަސާތައް ހިންގުމަށް ބަދަލުތަކެއް ގެނައުމަށް އެތަންތަނުގެ މުއައްޒަފުންނަށް ރިޝްވަތުގެ ފައިސާ ހުށައެޅުމުގެ ތުހުމަތެވެ. މީގެ އިތުރުން އެތަންތަނުގެ މުއައްޒަފުންގެ މަސައްކަތަށް ނުފޫޒު ފޯރުވުމުގެ ތުހުމަތު ވެސް މުހައްމާގެ މައްޗަށް ކުރެއެވެ.
އެ ތުހުމަތުތަކާ ގުޅިގެން މުހައްމާ ބުދަ ދުވަހު ފުލުހަށް ހާޒިރުކޮށްފައިވާއިރު، މިދިޔަ އާދިއްތަ ދުވަހު އޭނާ ކުއްލިއަކަށް ހައްޔަރުކުރީ މަގުމަތީގައި ހުންނަވަނިކޮށް އާދައިގެ ހެދުމުގައި ތިބި ދެ މީހުންނެވެ. އަދި މުހައްމާ ހައްޔަރުކުރަނީ އެސްއޯއީގެ ދަށުން ކަމަށް ބުނި ކަމަށް މުހައްމާ ވިދާޅުވިއެވެ. މި ތުހުމަތުތަކަށް އިންކާރު ކުރައްވަމުން މުހައްމާ ވިދާޅުވީ، މިއީ ވަރަށް ބޮޑު ދައުވާއެއް ކަމަށާއި، މީ އޭނާގެ ސިކުނޑިއަށް ވެސް އައި ކަމެއް ނޫން ކަމަށެވެ.
