މިދުވަސްވަރު އިންފްލުއެންޒާ އާއި ރޯގާއަށް ސަމާލުވުމަށް އެޗްޕީއޭ އިން ގޮވާލައިފި
ސާފުތާރިހުކަމަށް ސަމާލުވަން ޖެހޭ
އައިޖީއެމްއެޗް ކައިރީ އާންމުންގެ ގިނަ ބަޔަކު މަޑުކޮށްލައިގެން
މިދުވަސްވަރަކީ އަރިދަފުސް ރޯގާ ފެތުރޭ މިންވަރު އިތުރުވާ ދުވަސް ވަރަކަށް ވާތީ އެކަމަށް ސަމާލުވުމަށް ހެލްތް ޕްރޮޓެކްޝަން އޭޖެންސީ )އެޗްޕީއޭ) އިން އިލްތިމާސް ކޮށްފިއެވެ.
އާއްމުކޮށް އިންފްލުއެންޒާ އުޅޭ މިންވަރު ދެނެގަތުމަށް ސިއްހީ ދާއިރާ އިން ބަލަހައްޓާ ނިޒާމުގެ ތެރެއިން ކުރެވުނު ޓެސްޓްތަކުން ދައްކާ ގޮތުގައި އަރިދަފުސް ރޯގާ ޖެހުނު ބައެއް މީހުންގެ ހުރީ އެޗް.ވަން.އެން.ވަންގެ ބާވަތެއް ކަމަށް އެޗްޕީއޭ އިން ވަނީ ފާހަގަ ކޮށްފައެވެ.
އަރިދަފުސް ރޯގާ ޖެހި ތިރީގައިވާ އަލާމާތްތަކުގެ ތެރެއިން މަދުވެގެން ދެ އަލާމާތެއް ފެނިއްޖެނަމަ ލަސްނުކޮށް ޑޮކްޓަރަށް ދެއްކުމަށް އެޗްޕީއޭ އިން ވަނީ އިލްތިމާސް ކޮށްފައެވެ.
- ހުންއައުން
- ކަރުގައި ރިހުން
- ބޮލުގައި ރިހުން
- ގައިގައި ރިހުން
- ހީކަރުވާފައި ވަރުދެރަވުން
- ބޭރަށް ހިންގުން، ހޮޑުލެވުން
މީގެ އިތުރުން ކުޑަކުދިންގެ ފަރާތުން ފެނިދާނެ އިތުރު އަލާމާތްތަކުގެ ތެރޭގައި ކެއިންބުއިން މަދުވުން، މާގިނައިން ނިދުން، އާދަޔާ ހިލާފަށް ރުއިން ފަދަ އާލާމަތްތައް ހިމެނޭކަމަށް ވެސް އެޗްޕީއޭ އިން ވަނީ ބުނެފައެވެ.
އާންމު ސާފުތާރިހުކަމާއި ކެއްސާ ކިނބިހި އަޅާ ކަމުގައިވާނަމަ، ޓީޝޫ ނުވަތަ ކުޑަ ރުމާލެއް ބޭނުން ކުރުމަށް އެޗްޕީއޭ އިން ވަނީ އެދިފައެވެ.
