ދުނިޔެ
މަތިންދާ ބޯޓެއް ވެއްޓުން
ކަތަމަންޑޫ އެއަރޕޯޓަށް ބޯޓެއް ވެއްޓިއްޖެ
17 މީހަކު ހޮސްޕިޓަލަށް ގެންދެވުނު
އަބުދުﷲ މުހައްމަދު, ރާއްޖެ އެމްވީ | 12 މާރިޗު 2018 | ހޯމަ 11:01
ބޯޓްވަނީ ރަންވޭއިން ކައްސާލާފައި
ނޭޕާލުގެ ވެރިރަށް ކަތަމަންޑޫގެ އެއަރަޕޯޓަށް ފަސިންޖަރުން އުފުލާ މަތިންދާ ބޯޓެއް މިއަދު ވެއްޓިއްޖެއެވެ.
މަދުވެގެން 17 މީހަކު ވަނީ ހޮސްޕިޓަލަށް ގެންދެވިފައެވެ.
އެއަރޕޯޓްގެ ތަރުޖަމާނު ވިދާޅުވީ ބޯޓް ރަންވޭއިން ކައްސާލައިގެން ފުޓްބޯޅަ ދަނޑަކަށް ޖެހިފައިވާ ކަމަށެވެ.
ޓޫރިޒަމް މިނިސްޓްރީގެ ޖޮއިންޓް ސެކްރެޓަރީ ސުރޭޝް އަޗަރަޔާ ވިދާޅުވީ ޒަޚަމްވި މީހުންގެ ތެރެއިން 17 މީހަކު ހޮސްޕިޓަލަށް ގެންދެވުނު ކަމަށެވެ.
މި ބޯޓަކީ ޑާކާއިން ނޭޕާލަށް ދަތުރުކުރި ބޯޓެކެވެ.
ބޯޓަކީ ބަންގްލަދޭޝްގެ އެއަރލައިނެއްގެ ބޯޓެއްކަން އޮފިޝަލުން ކަށަވަރުކޮށްދޭއިރު ބޯޓްގައި ތިބީ ކިތައް ފަސިންޖަރުން ކަމެއް އަދި ކަށަވަރު ކުރެވިފައެއް ނުވެއެވެ.
