ނައީމާއްތަގެ އިތުރުން ތިން މީހުން ހައްޔަރުކޮށްފި
8 މާރިޗު 2018 | ބުރާސްފަތި 20:56ހަތަރު މީހުންވެސް ހައްޔަރުކޮށްފައި ވަނި މަޖީދީ މަގާއި ޗާންދަނީ މަގު ކަންމަތިން
އެމްޑީޕީ އެކްޓިވިސްޓް ނައީމާ މުހައްމަދު (ނައީމާއްތަ)
ގުޅިފައިވާ ސިޔާސީ ޕާޓީތަކުން މާލޭގައި ކުރިއަށް ގެންދިޔަ މުޒާހަރާގެ ތެރެއިން މާފަންނު މެދު ދާއިރާގެ ކައުންސިލް މެމްބަރު އަޒުރާ މޫސާއާއި، އެމްޑީޕީ އެކްޓިވިސްޓް ނައީމާ މުހައްމަދު (ނައީމާއްތަ)ގެ އިތުރުން އިތުރު ދެ މީހަކު ފުލުހުން ހައްޔަރުކޮށްފިއެވެ.
މި ހަތަރު މީހުން ހައްޔަރުކޮށްފައި ވަނީ ބުރާސްފަތި ދުވަހުގެ ރޭ ގުޅިފައިވާ ސިޔާސީ ޕާޓީތަކުން މަޖީދީ މަގާއި ޗާންދަނީ މަގު ގުޅޭ ކަންމަތީގައި ކުރި މުޒާހަރާގެ ތެރެއިންނެވެ. ފުލުހުން އެ ހަތަރު މީހުން ވެސް ހައްޔަރުކޮށްފައި ވަނީ އެ ސަރަހައްދުގައި ތިބި މުޒާހަރާގެ ބައިވެރިން ފަހަތަށް ޖެއްސުމުގެ ތެރޭގައެވެ.
މިކަމާއި ގުޅިގެން ފުލުހުންގެ ބަހެއް ވަނީ ލިބޭ ގޮތް ނެވެފައެވެ.
ބުރާސްފަތި ދުވަހުގެ ރޭ ގުޅިފައިވާ ސިޔާސީ ޕާޓީތަކުން ކުރިއަށްގެންދިޔަ މުޒާހަރާއަށް ފުލުހުން ވަނީ ހުރަސްއަޅާފައެވެ. އެސަރަހައްދުގައި ތިބި މީހުން ފަހަތަށް ޖެއްސުމަށް ފުލުހުން ވަނީ ޕެޕާސްޕްރޭވެސް ޖަހާފައެވެ.
