އެމްއާރުޑީސީގެ މަސައްކަތްތައް ހައުސިންގް މިނިސްޓްރީގެ ދަށަށް!
5 މާރިޗު 2018 | ހޯމަ 12:27ބިޒުނަސް ޑިވެލޮޕްމެންޓް ފިޔަވާ އެހެން ހުރިހާ ޑިޕާޓްމަންޓެއްގެ މަސައްކަތް ވަނީ ބަދަލުކޮށްފަ
އެމްއާރުޑީސީގެ ނޫސްވެރިންގެ ބައްދަލުވުމެއް
މޯލްޑިވްސް ރޯޑްޑިވެލޮޕްމަންޓް ކޯޕަރޭޝަން (އެމްއާރުޑީސީ) ގެ މަސައްކަތަށް ހައުސިން މިނިސްޓްރީގެ ޕަބްލިކް ވޯކްސް ސާވިސަސްގެ ދަށަށް ބަދަލުކޮށްފިއެވެ.
ސަރުކާރުގެ ގިނަ މަޝްރޫއުތަކެއް ހިންގަމުން އަންނަ އެމްއާރުޑީސީ އުވާލުމުގެ މަޝްވަރާތައް އެކުންފުނީގެ ބޯޑުން މިއަހަރުގެ ޖެނެއަރީ މަހުގެ ތެރޭގައި ކޮށްފައި ވަނިކޮށް، ފެބްރުއަރީ މަހުން ފެށިގެން އެ ކުންފުނީގެ ބިޒުނަސް ޑިވެލޮޕްމެންޓް ފިޔަވާ އެހެން ހުރިހާ ޑިޕާޓްމަންޓެއްގެ މަސައްކަތް ޕަބްލިކް ވޯކްސް ސާވިސަސްގެ ދަށަށް ބަދަލުކޮށްފައިވާ ކަމުގެ މައުލޫމާތު ވަނީ ލިބިފައެވެ. އަދި އެމްއާރުޑީސީގެ ބިޒުނަސް ޑިވެލޮޕްމެންޓް ފިޔާވާ އެހެން ޑިޕާޓްމަންޓުތަކުގެ މުވައްޒިފުން ވެސް ހައުސިންގް މިނިސްޓްރީގެ ޕަބްލިކް ވޯކްސް ސާވިސަސްގެ ދަށަށް ބަދަލުކޮށްފައިވާ ކަމުގެ މައުލޫމާތު ވެސް ވަނީ ލިބިފައެވެ.
މިކަމާއި ގުޅިގެން އެމްއާރުޑީސީ އަދި ހައުސިންގް މިނިސްޓްރީގެ ބަހެއް ވެސް ވަނީ ލިބޭ ގޮތް ނުވެފައެވެ.
އެމްއާރުޑީސީ އުވާލުކަމުގެ އަޑުތަކެއް ފުތުރެމުން ދާއިރު، އެ ކުންފުނީގައި ކޮރަޕްޝަންގެ ބޮޑެތި މައްސަލަތަކެއް އުޅޭ ކަމަށް ތުހުމަތުތަކެއް ވަނީ ކުރެވިފަ އެވެ.
