މިނިސްޓްރީ އޮފް އިކޮނޮމިކް ޑިވެލޮޕްމަންޓް އިން ޓޯކަން ނަންބަރު ދޫކުރާ ގަޑިތަކަށް ބަދަލު ގެނެސްފިއެވެ.
އެ މިނިސްޓްރީ އިން ބުރާސްފަތި ދުވަހު ސަރުކާރުގެ ގެޒެޓްގައި ޝާޢިއު ކޮށްފައިވާ އިއުލާނެއްގައި ވަނީ 28 ޖެނުއަރީ 2018 ވާ އާދީއްތަ ދުވަހުން ފެށިގެން އެ މިނިސްޓްރީގެ ކައުންޓަރުން ޚިދުމަތް ހޯދާ ފަރާތްތަކަށް ޚިދުމަތުގެ ޓޯކަން ދޫކުރުން ހަމަޖެހިފައި ވަނީ ހެނދުނު 8:00 އިން 11:00 އަށް ކަމަށެވެ.
މީގެ އިތުރުން މިނިސްޓްރީގެ ކައުންޓަރުގެ ޚިދުމަތް ފެށޭ ގަޑިއަކީ ހެނދުނު 8:00 ކަމަށާއި QueueBee މެދުވެރިކޮށް، އެވަގުތުތަކުގައި ނަންބަރު ނެގޭނެ އިންތިޒާމް ހަމަޖެހިފައިވާނެ ކަމަށް ވެސް މިނިސްޓްރީގެ އިއުލާނުގައި ވެއެވެ.
މިގޮތަށް ހިދުމަތުގެ ގަޑިއަށް ބަދަލު ގެނައި ނަމަވެސް މިނިސްޓްރީން ދޭ ހިދުމަތްތަކަށް ކްލަޔަންޓް ޗަރޓަރގައި ބަޔާންކުރެވިފައިވާ މުއްދަތަށް އެއްވެސް ބަދަލެއް ނާންނާނެ ކަމުގައި ވެސް އެ އިއުލާނުގައި ވެއެވެ.
