ދިގު މުއްދަތެއްގައި ޒިމްބާބުވޭގެ ރައީސްކަން ކުރައްވާފައިވާ ރޮބަރޓް މުގާބޭ ހުންނަވާނީ ހަމަޖެހިވަޑައިގެން ވަރުގަދަ ރިޓަޔަރަމެންޓް ޕެކޭޖެއްގައި ކަމަށް މުގާބޭއަށް ފަހު ވެރިކަމަށް ވަޑައިގެންނެވި އެމަރސަން ނަންގަގްވާ ވިދާޅުވެއްޖެއެވެ.

އެހެން ނަމަވެސް ބީބީސީގެ މިޝާލް ހުސެއިންއަށް ދެއްވި ވަންޓު ވަން އިންޓަވިއުގައި ނަންގަގްވާ ވަނީ އެއްވެސް މީހަކީ އެމީހަކަށް ދެވިފައިވާ އިމްތިޔާޒްގެ ދަށުން ދައުވާ ނުކުރެވޭނެ މީހެއް ނޫން ކަމަށެވެ.

މުގާބޭއާއި އެ މަނިކުފާނުގެ އާއިލާއިން އުޅުއްވި އާދަޔާ ޚިލާފު މުއްސަނދި ކަމާއިއެކު އެ އާއިލާއިން ހިންގާފައިވާ ކަންކަމަށް ޖަވާބުދާރީ ކުރެވުމަކީ ޒިމްބާބުވޭގެ ގިނަ ރައްޔިތުން ދެކެމުން އަންނަ ދުވަހެކެވެ.

ބީބީސީގައި ވާހަކަ ދައްކަވަމުން ނަންގަގްވާ ވިދާޅުވީ" އެއްވެސް މީހަކަށް އެއްވެސް އިމްތިޔާޒެއް ނުދެއްވާ" ކަމަށެވެ. އަދި އާއިލީ ދިރިއުޅުއްވުން ހަމަޖެހިގެން އުޅުއްވޭކަން އާ ސަރުކާރުން ކަށަވަރު ކުރާނެ ކަމަށެވެ.

ޒިމްބާބުވޭގައި 37 އަހަރު ވެރިކަން ކުރައްވާފައިވާ މުގާބޭގެ ވެރިކަން ނިމުމަކަށް ގެނެސްފައިވަނީ މިދިޔަ އަހަރުގެ ނޮވެމްބަރު މަހުއެވެ.

މުއްސަނދިކަމުގެ ސަބަބުން އެފްރިކާގެ ގައުމުތަކުގެ ބްރެޑް ބާސްކެޓްގެ ގޮތުގައި އޮތް ޒިމްބާބުވޭ މުގާބޭގެ ވެރިކަމުގައިވަނީ އެ ގައުމުގެ ރައްޔިތުން ބަނޑުފުރާނަ މުއްތިކުރަން ދަތިތަކާ ކުރިމަތިވި ނިކަމެތި ގައުމަކަށްވެފައެވެ. ނަމަވެސް އޭރުވެސް ދިރިއުޅުއްވާ މުއްސަނދި ދިރިއުޅުއްވުމުގެ ސަބަބުން މުގާބޭގެ އަނބި ކަނބަލުން މަޝްހޫރުވެފައިވަނީ "ގުޗީ މުގާބޭ" ނަމުންނެވެ.

މުގާބޭއާއި މިހާރުގެ ރައީ ނަންގަގްވާ ވެސް ހިމެނިވެޑައިގަންނަވާގޮތުން އެ މަނިކުފާނުގެ ސަރުކާރުގެ އޮފިޝަލުންގެ މައްޗަށް ވަނީ އިންސާނީ ހައްގުތަކަށް އަރައިގަތްކަމުގެ ތުހުމަތު ފުޅާދާއިރާއެއްގައި ކުރެވިފައެވެ. އޭގެ ތެރޭގައި މީހުން މެރުމާއި ،އަނިޔާކުރުމާއި އިދިކޮޅު އެކްޓިވިސްޓުން ރޭޕް ކުރުމުގެ ތުހުމަތު ހިމެނެއެވެ. ނަމަވެސް އެ ފަރާތްތަތަކުން އެ ތުހުމަތުތައް ދޮގުކުރެއެވެ.

މީގެ ދެ މަސްކުރިން ވެރިކަމާ ހަވާލުވެ ވަޑައިގެންނެވި ނަންގަގްވާ ވަނީ ވެރިކަމުގެ އިސްފަރާތްތަކުގެ ތެރޭ އޮތް ކޮރަޕްޝަން ނައްތާލައްވާނެ ކަމަށް ވައުދުވެ ވަޑައިގެންފައެވެ.