މިއަދު މެންދުރު ސްކޫލް ނިންމާފައިދިޔަ ދަރުމަވަންތަ ސްކޫލު ފިރިހެން ކުއްޖެއްގެ ގަޔަށް ތޫނު އެއްޗަކުން ހަމަލާދީ ޒަހަމްކޮށްލައިފިއެވެ.
ފުލުހުންގެ މީޑިއާ އޮފިޝަލަކު ވިދާޅުވި ގޮތުގައި އެ ކުއްޖާއަށް ހަމަލާ ދީފައި ވަނީ ލިލީ މަގުން ހިނގާފައި ދަނިކޮށް މިއަދު މެންދުރު 12:55 ހާއިރު ކަމަށެވެ. ހަމަލާދީފައިވަނީ ބުރަކައްޓަށެވެ. އެ ކުއްޖާއަށް މިހާރު ދަނީ އޭޑީކޭ ހޮސްޕިޓަލްގައި ފަރުވާ ދެމުންނެވެ.
މި މައްސަލައާ ގުޅިގެން އަދި މީހަކު ހައްޔަރެއް ނުކުރެ އެވެ. ސީރިއަސް މައްސަލައެއްގެ ގޮތުގައި މި މައްސަލަ ތަހްގީގުކުރަމުންދާ ކަމަށް ފުލުހުން ބުނެ އެވެ.
