ދަރުމަވަންތަ ސްކޫލް ދަރިވަރަކަށް ތޫނު އެއްޗަކުން ހަމަލާދީ ޒަހަމްކޮށްލައިފި
17 ޖެނުއަރީ 2018 | ބުދަ 08:51އެ ކުއްޖާއަށް ހަމަލާދީފައިވަނީ މިއަދު މެންދުރުގެ ވަގުތެއްގައި
އަހްމަދު ސާއިފް ޝިޔާދް | 17 ޖެނުއަރީ 2018 | ބުދަ 08:51
ވަޅިން ހަމަލާދީ ޒަހަމްކޮށްލި ކުއްޖާ
މިއަދު މެންދުރު ސްކޫލް ނިންމާފައިދިޔަ ދަރުމަވަންތަ ސްކޫލު ފިރިހެން ކުއްޖެއްގެ ގަޔަށް ތޫނު އެއްޗަކުން ހަމަލާދީ ޒަހަމްކޮށްލައިފިއެވެ.
ފުލުހުންގެ މީޑިއާ އޮފިޝަލަކު ވިދާޅުވި ގޮތުގައި އެ ކުއްޖާއަށް ހަމަލާ ދީފައި ވަނީ ލިލީ މަގުން ހިނގާފައި ދަނިކޮށް މިއަދު މެންދުރު 12:55 ހާއިރު ކަމަށެވެ. ހަމަލާދީފައިވަނީ ބުރަކައްޓަށެވެ. އެ ކުއްޖާއަށް މިހާރު ދަނީ އޭޑީކޭ ހޮސްޕިޓަލްގައި ފަރުވާ ދެމުންނެވެ.
މި މައްސަލައާ ގުޅިގެން އަދި މީހަކު ހައްޔަރެއް ނުކުރެ އެވެ. ސީރިއަސް މައްސަލައެއްގެ ގޮތުގައި މި މައްސަލަ ތަހްގީގުކުރަމުންދާ ކަމަށް ފުލުހުން ބުނެ އެވެ.
