ބްރިޓިޝް އެކަޑަމީ ފިލްމު އެވޯޑްސް (ބަފްޓާ) އެވޯޑްގެ ހޮސްޓަކަށް ޖޮއާނާ ލަމްލީ ހަމަޖައްސައިފިއެވެ.
މިފަހަރު ބާއްވާނީ 71 ވަނަ ބަފްޓާ އެވޯޑެވެ. އުމުރުން 71 އަހަރުގެ ޖޮއާނާ ލަމްލީއަކީ ކުރީގެ އެކްޓަރެކެވެ. އަދި އޭނާއަކީ އިނގިރޭސި ފިލްމުތަކުން ފެނިގެންދާ އެކްޓްރެސްއެއްގެ އިތުރުން ލިޔުންތެރިއެކެވެ. އޭނާ އަށް ވަނީ ޕޭސްޓީ ސްޓޯންގައި އޭނާ ކުޅުނު ރޯލަށް ބަފްޓާ ޓީވީ އެވޯޑް މީގެ ކުރިން ލިބިފައެވެ. އެންމެ ފަހުން ބޭއްވި ބަފްޓާ އެވޯޑްގައި ޖޮއާނާ ލަމްލީ އަށް ވަނީ ބަފްޓާ ފެލޯޝިޕް އެވޯޑް ވެސް ލިބިފައެވެ. ބަފްޓާ އެވޯޑް ހަފްލާ ބޭއްވުމަށް ހަމަޖެހިފައި ވަނީ ލަންޑަންގެ ރޯޔަލް އެލްބާޓް ހޯލްގައި އަންނަ މަހުގެ 18 ވަނަ ދުވަހު ވެ.
މީގެ ކުރިން މި ޝޯ 12 އަހަރުވަންދެން ހޮސްޓްކުރީ މަޝްހޫރު ކޮމީޑިއަން ސްޓީވެން ފްރައިއެވެ.
ބަފްޓާ އެވޯޑް ހޮސްޓް ކުރުމަށް ޖޮއާނާ ލަމްލީ ހަމަޖައްސާފައި ވަނީ އޭނާ އިސްތިއުފާ ދިނުމުންނެވެ.
