ކ. މާލެ
|
2 ޖެނުއަރީ 2018 | އަންގާރަ 22:38
އާދީއްތަ ދުވަހު ކްރިސްޓަލް ޕެލަސްއާ ދެކޮޅަށް ކުޅުނު މެޗުގައި ސިޓީގެ މިޑްފީލްޑަރ ކެވިން ޑި ބްރޭނާ އަށް އަނިޔާވެފައި
އާދީއްތަ ދުވަހު ކްރިސްޓަލް ޕެލަސްއާ ދެކޮޅަށް ކުޅުނު މެޗުގައި ސިޓީގެ މިޑްފީލްޑަރ ކެވިން ޑި ބްރޭނާ އަށް އަނިޔާވެފައި
ގެޓީ އިމޭޖަސް
މެންޗެސްޓަރ ސިޓީ
ގާތްގާތުގައި މެޗުތައް ކުޅެން ޖެހުމަކީ ކުޅުންތެރިންނަށް އޮތް "މުސީބާތެއް": ގާޑިއޯލާ
 
ކްރިސްޓަލް ޕެލަސްއާ ދެކޮޅަށް ކުޅެ ލަނޑެއް ނުޖެހި އެއްވަރުވި މެޗަކީ، މިސީޒަނުގައި ސިޓީ އަށް ސުން ކަނޑުވާނުލެވުނު ފުރަތަމަ މެޗު
 
އާދީއްތަ ދުވަހު ކްރިސްޓަލް ޕެލަސްއާ ދެކޮޅަށް ކުޅުނު މެޗުގައި ސިޓީގެ ގެބްރިއަލް ޖީސަސް އަދި ކެވިން ޑި ބްރޭނާ އަށް ވަނީ އަނިޔާވެފައި
 
އަންގާރަ ދުވަހު ވަޓްފޯޑާ ދެކޮޅަށް ކުޅޭ މެޗަކީ ސިޓީ އިން 11 ދުވަހުގެ ތެރޭގައި ކުޅޭ ހަތަރުވަނަ މެޗު

އިނގިރޭސި ޕްރިމިއަރ ލީގުގެ މެޗުތައް ގާތްގާތުގައި ކުޅެން ޖެހުމަކީ ކުޅުންތެރިންނަށް އޮތް "މުސީބާތެއް" ކަމަށް މެންޗެސްޓަރ ސިޓީގެ ކޯޗު ޕެޕް ގާޑިއޯލާ ބުނެފިއެވެ.

އިނގިރޭސި ޕްރިމިއަރ ލީގުގައި 21 މެޗުން 59 ޕޮއިންޓާއެކު ސިޓީ އޮތީ ލީގު ތާވަލްގެ އެއްވަނައިގައެވެ. މިސީޒަނުގައި ސިޓީ ކުޅުނު އެއްވެސް މެޗަކުން ބަލިވެފައިނުވާއިރު، 19 މެޗު ކާމިޔާބުކޮށް، ދެ މެޗު އެއްވަރު ވެފައިވެއެވެ. ސިޓީ އަށް ވުރެ އެއް މެޗު އިތުރަށް ކުޅެގެން 47 ޕޮއިންޓާ އެކު ލީގުގެ ދެވަނާގައިވާ މެންޗެސްޓަރ ޔުނައިޓެޑާއި އެއްވަނާގައިވާ ސިޓީއާ ދެމެދު 12 ޕޮއިންޓުގެ ފަރަގެއް އެބައޮތެވެ.

ޕްރިމިއަރ ލީގުގައި އަންގާރަ ދުވަހު ވަޓްފޯޑާއި ދެކޮޅަށް އަމިއްލަ ދަނޑުގައި ކުޅޭ މެޗު ކާމިޔާބު ކޮށްގެން ޔުނައިޓެޑާ ދެމެދުވާ ފަރަގު 15 ޕޮއިންޓަށް ފުޅާކުރުމުގެ ފުރުސަތު ސިޓީ އަށް އެބައޮތެވެ. އަންގާރަ ދުވަހު ވަޓްފޯޑާ ދެކޮޅަށް ކުޅޭ މެޗަކީ ސިޓީ އިން 11 ދުވަހުގެ ތެރޭގައި ކުޅޭ ހަތަރުވަނަ މެޗެވެ.

އާދީއްތަ ދުވަހު ރަށުން ބޭރުގައި ކްރިސްޓަލް ޕެލަސްއާ ދެކޮޅަށް ކުޅެ، ލަނޑެއް ނުޖެހި އެއްވަރުވި މެޗުގައި ސިޓީގެ ފޯވާޑް ގެބްރިއަލް ޖީސަސް އަދި މިޑްފީލްޑަރ ކެވިން ޑި ބްރޭނާ އަށް ވަނީ އަނިޔާވެފައެވެ.

ޕްރިމިއަރ ލީގުގައި ގާތް ގާތުގައި މެޗުތައް ކުޅެން ޖެހުމާއި، ކުޅުންތެރިންނަށް އަނިޔާވުމާ ގުޅޭ ގޮތުން ކުރި ސުވާލަކަށް ޖަވާބު ދެމުން ސިޓީގެ ކޯޗު ގާޑިއޯލާ ބުނީ، އެއީ ޖިސްމާނީ ގޮތުން ކުޅުންތެރިންނަށް އޮތް މުސީބާތެއް ކަމަށެވެ.

ޖީސަސް އަށް މީޑިއަލް ކޮލޭޓެރަލް ލިގަމެންޓް (އެމްސީއެލް) އިންޖަރީ އެއް ކުރިމަތިވެފައިވާކަން ހޯމަ ދުވަހު ސިޓީ އިން ކަށަވަރުކޮށްދީފައިވާއިރު، އޭނާ ކުޅުމާ ދުރުގައި ހުންނަން ޖެހޭ މުއްދަތު ކަށަވަރު ވާނީ އިތުރު ޓެސްޓްތަކަށް ފަހު ކަމަށް އެކްލަބްގެ ބަޔާނުގައިވެއެވެ.

އޭގެ ފަހުން ޖީސަސް ކުރި ޓްވީޓެއްގައި ވަނީ، ވައަތު ކަކުލަށް ލިބިފައިވާ އަނިޔާއާ ގުޅިގެން ސާޖަރީއެއް ހަދަން ނުޖެހޭކަން ޓެސްޓްތަކުން ކަށަވަރުވެފައިވާ ކަމަށެވެ.

ޕްރިމިއަރ ލީގުގައި ސިޓީ އިން ހޯދަމުން އައި މޮޅުވުމުގެ ރެކޯޑް ނިމުމަކަށް އައީ އާދީއްތަ ދުވަހު ކްރިސްޓަލް ޕެލަސްއާ ދެކޮޅަށް ކުޅެ ލަނޑެއް ނުޖެހި އެއްވަރުވި މެޗުގައެވެ. ވިދިވިދިގެން 18 މެޗުން މޮޅުވުމަށް ފަހު، ކްރިސްޓަލްއާ ދެކޮޅަށް ކުޅެ އެއްވަރުވި މެޗަކީ މިސީޒަނުގައި ޕްރިމިއަރ ލީގުގައި ސިޓީ އަށް ލަނޑެއް ނުޖެހުނު ހަމައެކަނި މެޗެވެ.

އެންމެ ފަހުން އަޕްޑޭޓް ކުރީ: 4 ހަފްތާ ކުރިން
ރިވިއު ކުރީ: އަލީ ޔޫސުފް
0%
0%
0%
0%
0%
0%
ކޮމެންޓް