އައްޑޫ ސިޓީގައި ހިނގި އެކްސިޑެންޓްގައި ޒަހަމްވި ޒުވާނާއަށް އިތުރު ފަރުވާ ދިނުމަށް މާލެއަށް ގެނެސްފި
އެކްސިޑެންޓްގައި އަނިޔާވި 14 އަހަރުގެ ކުއްޖާ ވަނީ މަރުވެފައި
އައްޑޫގައި ހިނގި އެކްސިޑެންޓް
އައްޑޫ ސިޓީ ލިންކް ރޯޑުގައި ހިނގި އެކްސިޑެންޓްގައި އަނިޔާވި ޒުވާނާއަށް އިތުރު ފަރުވާ ދިނުމަށް މާލެ ގެނެސްފިއެވެ.
އައްޑޫ ސިޓީގެ ހިތަދޫ ރީޖަނަލް ހޮސްޕިޓަލުން ބުނީ އިތުރު ފައުވާއަށް އައިޖީއެމްއެޗަށް ފޮނުވާލި ޒުވާނާގެ ބޯ ފަޅައިގެން ގޮސްފައިވާ އިރު ދެ ފައި ބިންދައިގެން ގޮސްފައިވާ ކަމަށެވެ. އިތުރު ފަރުވާ ދިނުމަށް މާލެ ފޮނުވާލީ އަންގާރަ ދުވަހުގެ ރޭގެ ދަންވަރު ކަމަށް އެހޮސްޕިޓަލުން ބުނެއެވެ. އުމުރުން 21 އަހަރުގެ މި ޒުވާނާއަކީ ސައިކަލް ދުއްވަން އިން މީހާއެވެ.
އަންގާރަ ދުވަހު ހެނދުނު ސައިކަލަކާއި ޕިކަޕެއް ޖެހި ހިނގި އެކްސިޑެންޓްގައި އަނިޔާ ލިބުނު 14 އަހަރުގެ ފިރިހެން ކުއްޖާ ވަނީ ހިތަދޫ ރީޖަނަލް ހޮސްޕިޓަލުގައި ފަރުވާ ދެމުން ދަނިކޮށް މަރުވެފައެވެ. މަރުވެފައި ވަނީ ގދ. ވާދޫ ނެސްޓް، އަރުޝަމް އިބްރާހިމެވެ.
މި މައްސަލަ ފުލުހުން އަންނަނީ ތަހުގީގު ކުރަމުންނެވެ.
