އައްޑޫ ސިޓީ ލިންކް ރޯޑުގައި ނުރައްކާތެރި އެކްސިޑެންޓެއްވެ، ދެ މީހަކަށް އަނިޔާވެއްޖެ
26 ޑިސެމްބަރު 2017 | އަންގާރަ 06:12އެންވަޔަރަމެންޓް މިނިސްޓްރީގެ ޕިކަޕަކާއި ސައިކަލެއް ޖެހި
އަޒުމޫން އަހުމަދު | 26 ޑިސެމްބަރު 2017 | އަންގާރަ 06:12
އެކްސިޑެންޓްގައި އަނިޔާވި މީހުން އެމްބިއުލާންސަށް އަރުވަނީ
އައްޑޫ ސިޓީ ލިންކް ރޯޑުގައި ނުރައްކާތެރި އެކްސިޑެންޓެއްވެ، ދެ މީހަކަށް އަނިޔާވެއްޖެއެވެ.
ފުލުހުން މައުލޫމާތުދޭ ގޮތުގައި، އަންގާރަ ދުވަހުގެ ހެނދުނު މި އެކްސިޑެންޓް ހިނގާފައި ވަނީ ސައިކަލަކާއި ޕިކަޕެއް ޖެހިގެންނެވެ.
އައްޑޫލައިވް ނޫހުގައި ރިޕޯޓު ކޮށްފައިވާ ގޮތުގައި އެ ޕިކަޕަކީ އެންވަޔަރަމެންޓް މިނިސްޓްރީގެ ޕިކަޕެކެވެ.
އެކްސިޑެންޓުގައި އަނިޔާވެފައި ވަނީ ސައިކަލުގައި ތިބި ދެ މީހުންނަށެވެ. އެގޮތުން ސައިކަލުގައި އިން އުމުރުން ދުވަސްވީ މީހަކަށާއި ކުޑަ ކުއްޖަކަށް އަނިޔާވެފައިވާ ކަމަށް ފުލުހުން މައުލޫމާތުދެއެވެ.
އެކްސިޑެންޓްގައި އަނިޔާވި މީހުންނަށް ހިތަދޫ ރީޖަނަލް ހޮސްޕިޓަލުގައި ދަނީ ފަރުވާދެމުންނެވެ.
