މާބައިދޫ އެމްބިއުލާންސްގެ ޚިދުމަތް ހުއްޓުމަކަށް، ފަތްޖެހި އެނދުގައި ބަލިމީހުން އުފުލަން ޖެހިއްޖެ
24 ޑިސެމްބަރު 2017 | އާދީއްތަ 15:25އެމްބިއުލާންސް ގެ ހިދުމަތް ހުއްޓުމަކަށް އައީ އެމްބިއުލާންސް އެކްސިޑެންޓް ވުމުން
މައިބައިދޫ އެމްބިއުލާންސް
ލ އަތޮޅު މާބައިދޫ އެމްބިއުލާންސްގެ ޚިދުމަތް ހުއްޓުމަށް އައިސްފައިވާ ކަމަށް މަާބައިދޫ ކައުންސިލުން ބުނެފިއެވެ.
ނަން ނުޖެހުމަށް ޝަރުތުކޮށް ރާއްޖެއެމްވީއަށް މައުލޫމާތު ދިން މާބައިދޫ ކައުންސިލް މެމްބަރަކު ވިދާޅުވީ އެރަށު ސިއްހީ މަރުކަޒުގައި އޮންނަނީ އެންމެ އެމްބިއުލާންސެއް ކަމަށާއި، އެ އެމްބިއުލާންސް މިއަދު އެކްސިޑެންޓްވެ، ބޭނުން ނުކުރެވޭ ވަރަށް ހަލާކުވެފައިވާ ކަމަށެވެ. އެހެންކަމުން އެރަށުގެ ރައްޔިތުން ހޮސްޕިޓަލަށް ގެންދަން މިހާރު ޖެހެނީ ފަތްޖެހި އެދުގައި ކަމަށް އެނާ ވިދާޅުވިއެވެ.
އެގޮތުން އާދިއްތަ ދުވަހުވެސް ސިއްހީ މަރުކަޒުން އެޑްމިޓްކޮށްގެން ފަރުވާދިނުމަށް ފަހު ދޫކޮށްލި ބަލި މީހަކު ގެއަށް ގެންގޮސްފައި ވަނީ ފަތްޖެހި އެނދުގައިކަން މާބައިދޫ ކައުންސިލް މެމްބަރު ފާހަގަ ކުރެއްވިއެވެ. އަދި އެމްބިއުލާންސަށް ދިމާވެފައިވާ މައްސަލަ ހައްލުކުރެވޭނެ ދުވަހެއް ނޭނގޭ ކަމަށް އޭނާ ވިދާޅުވިއެވެ.
މިކަމާއި ގުޅިގެން އެރަށު ސިއްހީ މަރުކަޒުގެ ބަހެއް ވަނީ ލިބޭ ގޮތް ނުވެފައެވެ.
މާބައިދޫ ސިއްހީ މަރުކަޒުގެ އެމްބިއުލާންސް ހަލާކުވީ ސިއްހީ މަރުކަޒުން އެމްބިއުލާންސް ނެރުމަށް އުޅެނިކޮށް ގަހެއްގައި ޖެހިގެން ކަމަށް މައުލޫމާތު ލިބިއެވެ.
